Almaty áýejaıynda shetel azamattarynyń sýrrogat anadan týǵan balalarmen elden shyǵýǵa áreket jasaǵany týraly aqparat tarady. Sábılerdi satýmen birneshe otbasylyq jup aınalysqan, dep habarlaıdy Egemen.kz.
Almaty polısııasynyń baspasóz qyzmeti oqıǵany rastady.
«Polısııa departamentiniń tergeý basqarmasy bul derek boıynsha QR Qylmystyq kodeksiniń 135-baby 1-bóligi (kámeletke tolmaǵandardy saýdalaý) negizinde qylmystyq isti tergep jatyr. Qylmystyq-prosestik kodeksiniń 24-babynda kózdelgen istiń barlyq mán-jaıyn tolyq, obektıvti jáne jan-jaqty zertteý talaptary qamtamasyz etiledi», delingen habarlamada.
Aıta keteıik, 2025 jyldyń alǵashqy jeti aıynda Qazaqstanda adam saýdasyna qatysty 285 qylmystyq is tirkelgen. Olardyń 28-i kámeletke tolmaǵandarǵa qatysty.