Búgin saǵat 12:45 shamasynda Almaty qalasy men Jetisý, Jambyl, Almaty oblystarynda jer silkinisi tirkeldi. Jer silkinisiniń dúmpý oshaǵy Qytaı aýmaǵynda Almaty qalasynan ońtústik-shyǵysqa qaraı 277 shaqyrym jerde ornalasqany belgili boldy. Tótenshe jaǵdaılar mınıstrligi jer silkinisine baılanysty senim telefonyn iske qosty, dep jazady Egemen.kz.
TJM «Qazseldenqorǵaý» MM mamandary ózen arnalaryn, gıdrotehnıkalyq qurylystardy, kóshkin, sel qaýpi bar ýchaskelerdi zertteý boıynsha monıtorıng júrgizgen. Sondaı-aq tirshilikti qamtamasyz etý nysandary tekserilgen.
Mınıstrlik atalǵan nysandar zaqymdanbaǵanyn, qazirgi ýaqytta shtattyq rejımde jumys istep turǵanyn málimdedi.
Al turǵyndardyń saýaldaryna jaýap berý úshin TJM-nyń psıholog mamandarymen birlese arnaıy senim telefony iske qosylǵan.
Almaty qalasy: 8 (727) 278 20 83, 8 (727) 278 20 84;
Almaty oblysy: 8 (727) 722 60 97;
Jetisý oblysy: 8 (7282) 32 44 36.
Almaty qalasy men Jetisý, Jambyl, Almaty oblystarynda jer silkinisiniń eseptik qarqyndylyǵy 2–3 ball aralyǵynda bolǵan.