Ulytaý oblysy, Ulytaý aýyldyq okrýgine qarasty Taldysaı eldi mekeninde Jusan Mobile kompanııasynyń qoldaýymen One Web spýtnıktik júıesi ornatylyp, Wi-Fi ınternet jelisi iske qosyldy, dep habarlaıdy Egemen.kz.
Bul – aýyl turǵyndary úshin asa mańyzdy oqıǵa.
Buǵan deıin baılanys múmkindigi shekteýli bolyp, tótenshe jaǵdaılar kezinde nemese jedel járdem shaqyrý qajettiligi týyndaǵanda aqparatty jol ústindegi júrginshiler arqyly jetkizýge týra keletin. Endi joǵary jyldamdyqtaǵy ınternettiń qosylýy aýyl halqyna turaqty baılanys ornatýǵa múmkindik beredi.
Ulytaý aýyldyq okrýginiń ákimi Talǵat Abjapparov turǵyndarǵa ıgi bastamanyń mańyzdylyǵyn atap ótti.
Aýyl turǵyndary kórsetilgen qoldaý úshin jáne eldi mekenniń sıfrlyq damýyna qosqan úlesi úshin Jusan Mobile kompanııasyna rızashylyǵyn bildirdi.
Ulytaý oblysy