Dýbaıda IBA-nyń uıymdastyrýymen bokstan álem chempıonaty ótip jatyr. Búgin jahan birinshiliginde úsh otandasymyz sharshy alańǵa shyǵady. Jekpe-jekterdi IBA Boxing ıýtýb arnasynan tikeleı efırde tamashalaýǵa bolady, dep jazady Egemen.kz.
Búgin 67 kelide el namysyn qorǵaıtyn Sanatáli Tóltaev kúndizgi sessııada baq synaıdy. Ol 1/8 fınal joldamasyn Zambııa ókili Jeralda Kıbındyǵa qarsy sarapqa salady. Atalǵan juptyń kezdesýi A rınginde ótedi.
22:00-de bastalatyn keshki sessııada 80 kelide Erasyl Jaqpekov pen 86 kelide Dáýlet Tólemisov judyryqtasady.
Erasyl Jaqpekovtiń qarsylasy – Býrkına-Fasolyq Zýgrana Ebenezer.
Dáýlet Tólemisov brazılııalyq Sıýza ramon Botagellodan aılasyn asyrýǵa umtylady.
Aıta keteıik, atalǵan álem chempıonatynda 92 kelide el namysyn qorǵaıtyn Nýrmaǵamed Iýsýpov ótken jarys kúni tájikstandyq Navrýz Djafoevti birinshi raýndta nokaýtqa jiberdi.
Bokstan erler quramasynyń bas bapkeri Qaırat Sátjanov bastap barǵan qurama sapyna Sáken Bıbosynov ta ilikti.
Dýbaıdaǵy álem chempıonatynyń jeńimpazdary 13 jeltoqsan kúni anyqtalady.