Atalǵan oblysqa qarasty Alakól aýdany prokýratýrasy mektepter men memlekettik balabaqshalarda qaýipti qaldyqtardy paıdalaný, saqtaý jáne kádege jaratý kezinde zańnama talaptarynyń saqtalýyna taldaý júrgizdi, dep habarlaıdy Egemen.kz.
Taldaý barysynda isten shyqqan 436 synapty lampa uzaq ýaqyt qoımalarda jáne jertólelerde saqtalǵany anyqtaldy. Bul oqýshylar men qyzmetkerlerdiń densaýlyǵyna tikeleı qaýip tóndirdi.
Sanıtarlyq qaǵıdalarǵa (Densaýlyq saqtaý mınıstriniń 05.08.2021 j. №76 buıryǵy) sáıkes, isten shyqqan synapty lampalar oqýshylar qol jetkize almaıtyn jeke bólmede saqtalýy kerek, olardy qoqys jáshikterine tastaýǵa jol berilmeıdi.
Oblys prokýratýrasynyń málimetinshe, anyqtalǵan zańbuzýshylyqtar tolyǵymen joıyldy, qaýipti qaldyqtar belgilengen tártippen shyǵaryldy. Osylaısha, 3 458 azamattyń, onyń ishinde 2 947 oqýshynyń jáne 511 qyzmetkerdiń quqyqtary qorǵaldy.