Jumysshy mamandyqtar jyly aıasynda Astanada 3 jeltoqsanda bastalǵan WorldSkills Kazakhstan 2025 respýblıkalyq kásibı sheberlik chempıonaty áli de jalǵasyp jatyr. Bıyl chempıonatqa qatysýshylardyń sany 1,5 ese artqan. Máselen, byltyr 548 oqýshy qatysqan bolsa, bıyl 825 stýdent qatysqan, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.
WorldSkills óńirlik chempıonattarynyń nátıjelerin taldaý negizinde 15 jańa quzyrettilik qosyldy. Olardyń qatarynda ónerkásiptik dızaın, lokomotıvti basqarý, ushqyshsyz ushý apparattaryn paıdalaný, qutqarý jumystary, veterınarııa, zerthanalyq-hımııalyq taldaý, AKT jelilik ınfraqurylymy, mektepke deıingi tárbıe, florıstıka, aqparattyq qaýipsizdik, sıfrlyq modeldeý, tońazytqysh jáne jeldetý tehnıkasyna qyzmet kórsetý, qonaqúı resepsheni, 1S platformasynda bıznes-prosesterdi avtomattandyrý quzyrettilikteri bar.
«Engizilgen jańa quzirettilikter qazirgi tehnologııalyq jáne salalyq úrdisterdi, sondaı-aq eńbek naryǵynyń suranysyn kórsetedi. Bul kadrlyq áleýetti damytýǵa jáne TjKB júıesi men bıznes-sektor arasyndaǵy yntymaqtastyqty nyǵaıtýǵa yqpal etedi», deıdi Oqý-aǵartý mınıstrliginiń Tehnıkalyq jáne kásiptik bilim berý departamentiniń basshysy Áset Muhambetov.
Aıta ketý kerek, chempıonat jeńimpazdary 2026 jyly Qytaıda ótetin halyqaralyq WorldSkills chespıonatyna joldama alady.