Tótenshe jaǵdaılar mınıstri Shyńǵys Árinovtiń buıryǵymen Ulytaý oblysynda órt kezinde úsh balany qutqarǵan patrýldik qyzmet vzvodynyń ınspektory Áset Ábdýaqıtov jáne Ulytaý oblysy PD-nyń Sátbaev qalalyq polısııa bóliminiń patrýldik qyzmet vzvodynyń ınspektory Nurbolat Nurǵabyl «О́rtte kórsetken qaısarlyǵy úshin» medalimen marapattaldy, dep habarlaıdy Egemen.kz.
Ulytaý oblysynyń TJD bastyǵy Esen Baıyrov saltanatty túrde polıseılerge nagradalardy tabystap, olardyń kórsetken erligi men batyldyǵyna alǵys aıtty.
Esterińizge sala keteıik, 2025 jyldyń 29 qazanynda Sátbaev qalasyndaǵy kópqabatty úılerdiń birinde órt shyqqan edi. Kóshelerdi patrýldeý kezinde polıseıler terezeden shyqqan jalyndy baıqap, oqıǵa ornyna jedel jetken.
Polısııa qyzmetkerleriniń bul áreketi kásibılik, batyldyq pen jaýapkershiliktiń aıqyn kórinisi retinde baǵalandy.