Qazaqstan Jazýshylar odaǵynyń tóraǵasy Mereke Qulkenov Nobel syılyǵynyń laýreaty, Qytaı jazýshysy Mo Iаnmen kezdesti, dep jazady Egemen.kz.
Qazaqstan Jazýshylar odaǵy men Zeınolla Sánik atyndaǵy mádenıet qorynyń uıymdastyrýymen ótetin «Qazaq – Qytaı qalamgerleri» halyqaralyq ádebı konferensııasyna qatysý úshin otandyq delegasııa Qytaı Halyq Respýblıkasynyń astanasy Beıjiń qalasyna bardy. Issapardyń alǵashqy kúninde Qazaqstan Jazýshylar odaǵynyń tóraǵasy Mereke Qulkenov álem ádebıetiniń iri ókili, Nobel syılyǵynyń ıegeri, tanymal jazýshy jáne romanıst Mo Iаnmen kezdesý ótkizdi.
Kezdesý barysynda qos qalamger búgingi álem ádebıetiniń damý úrdisteri, shyǵarmashylyq baılanystardyń keńeıýi jáne qazaq-qytaı ádebı qarym-qatynasynyń bolashaǵy týraly keleli áńgime órbitti. Ásirese, zamanaýı ádebıettegi jańa taqyryptar, jazýshylardyń áleýmettik jaýapkershiligi jáne eki el arasyndaǵy mádenı yqpaldastyq máseleleri talqylandy.
Mereke Qulkenov Mo Iаnnyń álemge tanylǵan shyǵarmashylyq ereksheligin joǵary baǵalap, qalamgerdiń týyndylaryn qazaq oqyrmandary qyzyǵa oqıtynyn atap ótti. О́z kezeginde Mo Iаn qazaq ádebıetiniń baı murasy men búgingi damýyna qyzyǵýshylyq bildirip, qazaq jazýshylarymen birlesken jobalarǵa nıetti ekenin jetkizdi.
Kezdesý aıasynda eki el jazýshylarynyń qatysýymen birlesken jobalar jáne ádebı almasý baǵdarlamalaryn júzege asyrý jóninde usynystar qarastyryldy. Qalamgerler aldaǵy ýaqytta ádebı baılanystardy jańa deńgeıge kóterý jóninde ortaq múddeni qýattady.
Bul kezdesý Qazaqstan men Qytaı arasyndaǵy mádenı-gýmanıtarlyq qatynastardy nyǵaıtýǵa, eki halyqtyń rýhanı baılanysyn tereńdetýge baǵyttalǵan mańyzdy qadamdardyń biri boldy.