2026 jyldyń 1 qańtarynan bastap el azamattary jeke kýálik alǵanda nemese aýystyrǵanda tólenetin baj salyǵynan bosatylady. Ishki ister mınıstrliginiń bastamasymen endi qazaqstandyqtar jeke kýálikti tegin alyp, aýystyrady, dep jazady Egemen.kz.
Qazir pasporttardy elektrondy túrde rásimdeý múmkindigi tek el ishinde emes, shetelderde de qoljetimdi. Bul qyzmet 71 eldegi 99 sheteldik mekemede iske asyrylǵan. Shetelde júrgen qazaqstandyqtar endi pasportty burynǵydaı 6 aı kútpeı, nebári 30 kún ishinde ala alady.
Búginde elimizde halyqty qujattandyrýdyń biryńǵaı júıesi jumys isteıdi. Bul júıe arqyly azamattarǵa jeke sáıkestendirý nómiri (JSN) beriledi, jeke kýálik pen pasporttar rásimdeledi, sondaı-aq azamattardy tirkeý (turǵylyqty mekenjaı boıynsha tirkeý) júzege asyrylady.
Kóshi-qon qyzmeti komıtetiniń tóraǵasy Aslan Atalyqov keler jyldan jeke kýálikti tegin berý, aýystyrý isi qujat alý rásimin jeńildetip, azamattardyń qarjylyq júktemesin azaıtýǵa baǵyttalǵanyn atap ótti.