Munaı baǵasy jyl basynan beri 20%-ǵa tómendep, ınvestorlardyń nazary AQSh Federaldy rezervtik júıesiniń aldaǵy qadamdary men saıası taǵaıyndaýlarǵa aýdy, dep habarlaıdy Egemen.kz.
Eýronyń dollarǵa shaqqandaǵy baǵamy (EUR/USD) tómendep, 19 jeltoqsanda 1,1715 kórsetkishine deıin tústi. Qazirgi ýaqytta eýro men dollar juby kúndelikti saýda-sattyq grafıginde 1,1700-1,1810 dálizinde qalyp otyr. Dollar ındeksi 98,4 tarmaq mańynda turaqtalyp, apta qorytyndysy boıynsha aıtarlyqtaı ózgerissiz qaldy.Naryq qatysýshylary AQSh-taǵy ınflıasııanyń báseńdeýi men eńbek naryǵynyń sýynýy aıasynda 2026 jyly FRJ mólsherlemeleriniń odan ári tómendeý perspektıvalaryn baǵalap otyr. Qarasha aıyndaǵy málimetter boıynsha, tutyný baǵalary jyldyq esepte 2,7%-ǵa ǵana ósti – bul shilde aıynan bergi eń tómengi kórsetkish jáne naryqtyń 3,1% kútkeninen de tómen. Bazalyq ınflıasııa 2,6%-ǵa deıin tómendep, 2021 jyldyń basynan bergi eń álsiz kórsetkishti kórsetti. Sonymen qatar jumyssyzdyq deńgeıi qarashada 4,6%-ǵa kóterilip, 2021 jyldan bergi eń joǵary deńgeıge jetti.
Bul jaǵdaılar 2026 jyly aqsha-nesıe saıasatyn jumsartýǵa múmkindik beredi, biraq aldaǵy qańtardaǵy otyrysta naryq áli de «úzilis» bolady dep kútedi. Sondaı-aq, Donald Tramptyń FRJ-nyń kelesi basshysyn jaqynda jarııalaıtyny týraly málimdemesi belgisizdik týdyryp otyr. Úmitkerler arasynda Kevın Hassett, Kevın Ýorsh jáne Krıstofer Ýoller bar.
Brent munaıy tómendep baradyJuma kúni Brent markaly munaıdyń baǵasy barreline $59,70 deńgeıine deıin tústi. Tehnıkalyq turǵydan Brent kúndelikti taımfreımde 59,00-61,00 dollar dıapazonynda saqtalady. Baǵanyń 60 dollardan tómen túsýi ekinshi apta qatarynan quldyraýdy kórsetti.
Munaıdyń arzandaýyna usynystyń artyq bolýy týraly qaýipter áser etýde. OPEK+ elderiniń óndiristi birtindep qalpyna keltirýi jáne kartelden tys óndirýshilerdiń kólemdi arttyrýy aıasynda shıkizat quny sońǵy bes jyldaǵy eń tómengi deńgeıge jaqyndady. Buǵan Qytaı men AQSh-taǵy suranystyń álsireý belgileri de qosyldy.
Alaıda geosaıası jaǵdaı baǵanyń kúrt quldyraýyn tejep tur. AQSh Venesýelanyń sanksııalyq tankerlerine qatysty teńiz qyzmetin toqtatty, al Ulybrıtanııa Reseıdiń úsh munaı kompanııasyna sanksııa saldy.
AQSh-tyń premarketi jáne Nike-tyń quldyraýyAmerıkanyń aksııalar naryǵy qaıtadan «jasyl» aımaqqa ótti. S&P 500 ındeksiniń fıýchersteri ósim kórsetip, 6800 tarmaqqa qaıta oralýy múmkin. Beısenbi kúni Dow Jones 0,14%-ǵa, S&P 500 0,79%-ǵa, al Nasdaq Composite 1,38%-ǵa ósti. Degenmen, korporatıvtik jańalyqtarda Nike kompanııasynyń aksııalary postmarkette 10%-dan astamǵa qulady. Buǵan Qytaıdaǵy satylymnyń nasharlaýy jáne kedendik alymdardyń marjaǵa qysym jasaýy sebep boldy.
Bıtkoın qubyldyBıtkoın (BTC) baǵasy juma kúni 87 882 dollar deńgeıine oraldy. Táýlik ishinde ol 1,19%-ǵa ósse de, aptalyq kórsetkishte 5%-dyq tómendeý baıqalady. AQSh-taǵy ınflıasııa derekterinen keıin baǵa qysqa merzimge 89 500 dollarǵa deıin kóterilgenimen, bul serpin tez basyldy.
Investorlar úshin Japonııa Bankiniń mólsherlemeni 0,75%-ǵa deıin kóterýi mańyzdy oqıǵa boldy. Qazirgi ýaqytta BTC úshin negizgi qarsylyq deńgeıi – 90 500 dollar. Eger baǵa 95 000 dollar deńgeıinen asyp bekimese, tolyq qalpyna kelý týraly aıtý erte. Jaǵymsyz jaǵdaı oryn alsa, baǵa 83 000–83 500 dollar baǵytyna qaraı tómendeýi múmkin. Krıptovalıýta sektorynyń jalpy kapıtalızasııasy 2,96 trln dollardy quraıdy (BTC úlesi – 59,3%, ETH – 12,1%).