Prezıdent Qasym-Jomart Toqaev TMD-nyń beıresmı sammıtine qatysý úshin Sankt-Peterbýrgke kelgen ózge de memleketter basshylarymen birge Ermıtajdy aralap kórdi. Mártebeli meımandarǵa mýzeıde ekskýrsııa júrgizildi, dep jazady Egemen.kz Aqordanyń baspasóz qyzmetine silteme jasap.
Prezıdentter Aleksandr jáne XVIII ǵasyrdaǵy Fransııa óneri zaldarynda ornalasqan tanymal kórmelerdi tamashalady.
Ásirese, «Altyn kómbe» biregeı kolleksııasyndaǵy baǵaly metaldardan quıylǵan arheologııalyq jádigerler, tarıhı Pıket jáne Gerb zaldarynyń ıntereri erekshe qyzyǵýshylyq týdyrdy.
Meımandar baı qory arqyly dúnıe júzine máshhúr mýzeıdiń basqa da ekspozısııalarymen tanysty.