Elordalyq bank qyzmetkeri shetelde júrgen klıenttiń senimine kirip, jubaıy ekeýiniń shotynan aqsha jymqyrǵan, dep habarlaıdy Egemen.kz.
49 jastaǵy bank mamany jábirlenýshimen ortaq tanysy arqyly baılanysqan. Klıent shetelde júrgen kezde, deldal ony aqshany qaryzǵa berýge kóndirip, qarajatty alýǵa kelisim bergen sátin vıdeoǵa túsirip jiberýdi suraǵan. Osy beınejazbany alǵan kúdikti dereý iske kirisken.
Polısııanyń málimetinshe, bank qyzmetkeri aldymen er adamnyń shotynan 18 mln teńgege jýyq qarajatty jymqyrǵan. Bul azdaı, óziniń qyzmettik ókilettigin paıdalanyp, klıenttiń áıeline tıesili shottan taǵy 17 mln teńgeni sheship alǵan. Jalpy shyǵyn 34 mln teńge.
Qazirgi ýaqytta kúdikti áıel ustalyp, ýaqytsha ustaý ızolıatoryna qamalǵan.