Aqtaý qalasynda aýa raıynyń kúrt ózgerýine baılanysty kóktaıǵaq paıda bolyp, qoǵamdyq kólik qozǵalysy birneshe saǵatqa toqtatyldy, dep habarlaıdy Egemen.kz.
Búgin tańerteń qala turǵyndary aıaldamalarda avtobýstardyń uzaq ýaqyt kelmeı turǵanyna jáne qoǵamdyq kóliktiń múlde bolmaǵanyna shaǵymdanǵan.
Qala ákimdiginiń málimetinshe, jolaýshylardyń qaýipsizdigin qamtamasyz etý maqsatynda avtobýstar qozǵalysy saǵat 09:00-den 11:00-ge deıin ýaqytsha toqtatylǵan.
«Aýa raıynyń kúrt ózgerýine baılanysty, jolaýshylar qaýipsizdigin qamtamasyz etý úshin qoǵamdyq kólik qozǵalysyn ýaqytsha toqtatýǵa májbúr boldyq. Qazirgi ýaqytta avtobýstar bekitilgen kestege sáıkes qaıta qatynap jatyr», dep málimdedi Aqtaý qalasynyń ákimdigi.
Qazirgi ýaqytta Aqtaý qalasynda qoǵamdyq kólik jumysy shtattyq rejımge kóshirilgen.