Otandyq taýar óndirýshilerdiń Biryńǵaı tizilimin iske qosý boıynsha aýqymdy jumys jalǵasyp jatyr. Bul − otandyq kásiporyndardy qoldaýǵa, naqty óndiristi damytýǵa jáne ishki naryqta ashyq ári ádil erejeler qalyptastyrýǵa baǵyttalǵan mańyzdy qural, dep habarlaıdy Egemen.kz.
Osy tizilimge engizilgen kásiporyndardyń biri — «О́skemen armatýra zaýyty» AQ. Bul — eldegi qubyr armatýrasyn shyǵaratyn eń iri ári tájirıbeli zaýyttardyń biri.
«Biryńǵaı tizilim — bul jaı ǵana sıfrlyq baza emes. Bul — ónerkásipke degen jańa kózqaras. Ashyq, ádil jáne naqty óndiristi qoldaıtyn júıe. Tizilimge ený biz úshin memlekettiń senimi men eńbegimizge berilgen baǵa», deıdi zaýyt basshylyǵy.
Kásiporyn ókilderiniń aıtýynsha, tizilim iri ınfraqurylymdyq jobalar iske asyrylyp jatqan kezeńde erekshe mańyzdy. Sebebi mundaı jobalarda jabdyqtardyń sapasy, senimdiligi jáne shyǵý tegi naqty rastalǵan bolýy qajet.
«Munda bastysy bireýmen kúresý emes, barshaǵa ortaq, túsinikti erejeler qalyptastyrý. О́nimniń shyǵý tegi anyq bolǵanda, tapsyrys berýshi úshin de, óndirýshi úshin de senim artady, al naryq turaqty bolady», dep atap ótti kompanııada.
2026 jyldan bastap Biryńǵaı tizilimge tolyq kóshý kásipkerlerdiń pikirinshe, ónimniń otandyq ekendigin ashyq rastaýǵa, adal óndirýshilerdi qorǵaýǵa jáne teń básekelestik orta qalyptastyrýǵa múmkindik beredi.