Ońtústik Koreıalyq Samsung Electronics kompanııasy Qazaqstanda teledıdar men kir jýǵysh mashınalaryn shyǵarý óndirisin resmı túrde iske qosty. Bul – alyp kompanııanyń Ortalyq Azııadaǵy alǵashqy óndiristik jobasy. О́ndiristiń ashylýy – Qazaqstannyń ónerkásiptik áleýetin nyǵaıtý jáne álemdik tehnologııalyq brendterdiń óńirlerde qatysýyn keńeıtý baǵytynda mańyzdy qadam, dep jazady Egemen.kz.
О́ndiris týraly
Jańa óndiristik jeliler Qaraǵandy oblysyna qarasty Saran qalasyndaǵy Silk Road Electronics zaýytynda jumys isteıdi. Kásiporynda 1 100-den astam qyzmetker eńbek etedi.
Joba Qazaqstan úkimeti, jeke ınvestorlar jáne salalyq seriktester qatysatyn birlesken bastama retinde júzege asyrylyp jatyr. Onyń negizgi maqsaty – ishki mashına jasaý salasyn damytý jáne joǵary tehnologııalyq óndiristi lokalızasııalaý.
Áleýeti zor
Zaýyttyń jyldyq qýaty: 150 000 teledıdar jáne 200 000 kir jýǵysh mashına.
Qazirgi ýaqytta SmartThings ekojúıesin qoldaıtyn kir jýǵysh mashınalar, sondaı-aq Crystal UHD 4K, FHD jáne HD serııaly teledıdarlar shyǵarylady.
2025 jyly serııalyq óndiris bastalǵannan beri 42 000-nan astam tehnıka birligi shyǵaryldy, onyń ishinde jasandy ıntellekt (JI) elementteri men qazaq tilindegi ınterfeıs bar modelder bar.
Josparda QLED serııaly teledıdarlardy shyǵarý jáne 2026 jylǵy modelderge daıyndyq bar, olar tolyqtaı Samsung halyqaralyq standarttaryna sáıkes keledi.
Shetel ınvestorlary otandyq munaı ken oryndarynan ketkisi kelmeıdi. Sebebi nede?