Noticias Caracol radıostansııasynyń derekkózderi oqıǵa aımaǵyndaǵy úkimet mekemeleri shuǵyl túrde evakýasııalanǵanyn habarlap otyr. Aldyn ala aqparat boıynsha, aýdan ústinen ushqyshsyz apparattar ushyp ótken bolýy múmkin, bul áýe shabýylyna qarsy qorǵanys júıesiniń jumysyna túrtki bolǵan.
Madýronyń tutqyndalýy jáne AQSh-taǵy sot
Eske sala keteıik, 3 qańtar kúni Amerıka Qurama Shtattary Venesýelaǵa qarsy arnaıy operasııa júrgizip, Karakasta prezıdent Nıkolas Madýro men onyń jubaıyn tutqyndaǵan bolatyn. Keıinirek AQSh Prezıdenti Donald Tramp Madýro men áıeliniń kememen Nıý-Iorkke bara jatqanyn málimdedi. Nıkolas Madýro men onyń zaıyby Sılııa Floreske aýyr aıyptar taǵylyp otyr:
Narkoterrorızm maqsatyndaǵy sóz baılasý;
Kokaın tasymaldaý;
Pýlemetter men jarylǵysh qurylǵylardy saqtaý;
AQSh-qa qarsy pýlemetter men jarylǵysh zattardy qoldaný maqsatynda sóz baılasý.
Nıkolas Madýro men onyń jubaıy Brýklındegi qamaý ortalyǵynan Manhettendegi sot ǵımaratyna tikushaqpen jáne kúsheıtilgen kortejben jetkizildi. Sot zalynda Venesýelanyń bılikten taıdyrylǵan lıderi men áıeli ózderine taǵylǵan aıyptardy moıyndaǵan joq. Kelesi sot otyrysy 17 naýryzǵa belgilendi.
Edmýndo Gonsales ózin Venesýela prezıdenti dep jarııalady