Birqatar buqaralyq aqparat quraldarynda M.Áýezov atyndaǵy teatrdy qaıta jańǵyrtý jumystarynyń baıaý júrip jatqany nemese toqtap turǵany týraly habarlar tarap jatyr. Mádenıet jáne aqparat mınıstrligi habarlamaǵa qatysty túsinikteme berdi, dep jazady Egemen.kz.
Mınıstrlik málimetinshe nysandy qaıta jańǵyrtý jumystary toqtamaǵan.
«Qazirgi ýaqytta joba jańa qarjy jylynyń bastalýyn kútip otyr, sodan keıin belgilengen tártipke sáıkes jumystardy jalǵastyrý úshin qajetti qarajat bólinedi. Nysandaǵy jóndeý jumystary ýákiletti memlekettik organdardyń turaqty baqylaýynda. M.Áýezov atyndaǵy teatrdy qaıta jańǵyrtý onyń tarıhı jáne mádenı qundylyǵyn saqtaýǵa qoıylatyn barlyq talaptardy saqtaı otyryp, tolyq aıaqtalatyn bolady», delingen mınıstrlik taratqan habarlamada.
Teatrdaǵy tapqyrlyq
Jalpy elimizde óńirlerdegi mádenı nysandardy jańǵyrtý jumystary qolǵa alynǵan. 2025 jyldyń jeltoqsan aıynda salalyq mınıstrlik Astanadaǵy Qýyrshaq teatryna jańa ǵımarat salý bastamasy kóterilgenin jarııalaǵan. Sondaı-aq elordadaǵy «Jastar» teatry ǵımaratyn jóndeý josparlanǵan.
Aıta keteıik, Jetisý oblysynyń mádenı ómirinde tarıhı oqıǵa bolyp, kópten kútken Bıken Rımova atyndaǵy Taldyqorǵan drama teatryna akademııalyq mártebe berildi.