1803 jyly Londonda jaryq kórgen «Reseı ımperııasynyń kıim mádenıeti» atty kitapty V.Mıller bastaǵan avtorlar ázirlegen. Bul – sol kezde ımperııa quramynda ómir súrgen ártúrli halyqtardyń kıim-keshek mádenıetin Batys álemine tanystyrýdy maqsat etken qundy eńbek.
Osynda qazaq halqy týraly:
«Bul halyqtyń júris-turysynda, mádenıetinde de ózgeshelik bar dep aıtylyp keledi. Buny olardyń áıelderine qarata aıtýǵa bolady. Qazaq áıelderi aqylmen el basqarý isine de aralasa alady. Sonymen qatar olar kúıeýleri jortýyldan oralǵanda barymtaǵa ákelgen kúńderge de asa janashyrlyq tanytady. Qazaq áıelderi otbasynda er adamnan qoqan-loqy kórse, tórkinine ketip qalýǵa beıim turady. Olardyń kúndelikti jumysy retinde mal baǵý, teri ıleý, júnnen kıim tigý sekildi sharýalardy aıta alamyz. Qazaq halqynyń dastarqany mol. Olar úshin ettiń maıy men sary maıdy juta salý qıynǵa soqpaıdy. Barlyq basqa tatarlar sııaqty, bul halyq ta nasybaıǵa tym áýes, sonymen qatar onyń untaq túrin tutynady. О́ıtkeni ondaı nasybaı adamnyń basyna tez áser etedi» degen derek jazylǵan.