Reseıdiń birqatar iri áýejaılarynda qalyń qardyń saldarynan áýe qatynasy qıyndap, reıster jappaı keshiktirilip jáne toqtatylyp jatyr, dep habarlaıdy Egemen.kz reseılik BAQ-qa silteme jasap.
Málimetterge sáıkes, Domodedovo áýejaıynda ushaqtardyń biri qar qursaýynda qalyp, áýege kóterile almaǵan. Áýejaı aýmaǵy qarǵa tolyp, arnaıy tehnıkanyń jumysy jetkiliksiz bolǵandyqtan, qyzmetkerler ushý-qoný jolaqtaryn qolmen tazalaýǵa májbúr bolǵan.
Qazaqstanda 2026 jyly qandaı jańa áýejaılar men áýe reısteri iske qosylady
Al Sheremetevo áýejaıynda reısterdiń jappaı keshigýi men toqtatylýy tirkeldi. Aqparat boıynsha, irkilister jergilikti ýaqytpen saǵat 20:00-den keıin bastalyp, áli de jalǵasyp jatyr.
Aeroflot áýe kompanııasynyń jolaýshylary reısterdi qabyldaý men qoný barysynda qıyndyqtarǵa tap bolǵanyn habarlady. Keıbir jolaýshylar ushaq qonǵannan keıin birneshe saǵat boıy bort ishinde otyrǵan, sebebi traptar ýaqytynda jetkizilmeı, áýe kemelerinen túsý múmkin bolmaǵan.
Qazaqstanda úsh jańa áýejaı salynady
Áýejaılarda daýys zoraıtqysh arqyly «standarttan tys jaǵdaı» týraly habarlanǵanymen, naqty merzimder kórsetilmegen. Sonymen qatar bagajdy berý de uzaqqa sozylyp, keıbir jolaýshylar chemodandaryn 5-6 saǵat boıy ala almaǵany aıtyldy. Buqaralyq aqparat quraldary áýejaı qyzmetkerlerimen bolǵan janjaldar týraly da habarlady.
Sonymen birge Sheremetevo áýejaıynyń baspasóz qyzmeti áýejaıdyń «qalypty rejımde jumys istep jatqanyn» jáne «jaǵdaı baqylaýda ekenin» málimdegen.
Jańa jyl qarsańynda Astana áýejaıynda aýa raıy saldarynan 11 reıs keshigip qonǵan bolatyn.