Ertis-Baıan óńirinde 23 bilim berý mekemesin jóndeý josparlanǵan. Sondaı-aq aqparattyq tehnologııalar kolledjiniń jataqhana ǵımaratyn qaıta jańǵyrtý kózdelip otyr, dep habarlaıdy Egemen.kz.
О́ńirdegi bilim berý uıymdarynda kúrdeli jóndeý jumystaryn júrgizý boıynsha ótkizilgen konkýrs rásimderiniń jeńimpazdary anyqtaldy.
− 2026 jyly 27 joba aıasynda bilim berý salasyndaǵy 23 nysanda kúrdeli jóndeý júrgizý josparlanǵan. Onyń ishinde Pavlodar, Ekibastuz, Aqsý qalalarynda, sondaı-aq Baıanaýyl, Ýspen, Pavlodar aýdandary men Tereńkól aýdanynda ornalasqan 10 balabaqsha men 13 mektep bar. Budan bólek, aqparattyq tehnologııalar kolledjiniń jataqhana ǵımaratyn qaıta jańǵyrtý josparda tur, − dep habarlady óńirlik bilim berý basqarmasynan.
Merdigermen qurylys-montaj jumystarynyń sapasy men merzimderiniń saqtalýy, sondaı-aq jobalaý-smetalyq qujattama talaptary men tehnıkalyq qadaǵalaý normalaryn qatań oryndaý jaıy talqylanǵan.
Sebebi buǵan deıingi jyldarda keıbir mektepterdiń jóndeýi keshigip, balalardyń ózge mektepterde ýaqytsha bilim alýyna týra kelgen.
Pavlodar oblysy