Aqtóbe qalasynyń Jańaqonys-2 turǵyn úı alabynda 600 oqýshyǵa laıyqtalǵan jańa mektep paıdalanýǵa berildi. Tyǵyz qonystanǵan aýmaq turǵyndary kópten kútken bilim ordasy «Keleshek mektepteri» ulttyq jobasy aıasynda boı kóterdi, dep habarlaıdy Egemen.kz.
Mektepaldy daıarlyq toptarynan bastap, joǵary synyptarǵa deıingi synyptarǵa laıyqtalǵan oqý kabınetterimen jasaqtalǵan bilim ordasynda 662 oqýshy úshinshi toqsan sabaqtaryn bastap ketti. Olar úshin 48 oqý kabıneti ashyldy.
«Keleshek mektepteri» barlyq mekteptiń damýyna negiz bolady
Oqýshylardyń sabaqtan tys ýaqyttarda qosymsha bilim alýy men beıimdik baǵyttaryn tańdaýyna, sportpen aınalysýyna barlyq jaǵdaı jasalǵan. Fızıka, hımııa, bıologııa pánderiniń zerthanalary, er balalar men qyzdar úshin eńbekke baýlý kabınetteri, birneshe sport túrine laıyqtalǵan sport zaly, eńseli kitaphanasy, mádenı sharalar men kezdesýler ótkizýge laıyqtalǵan akt zaly, keń de jaryq ashanasy bar.
Bilim berý úderisine kásibı biliktilikteri joǵary muǵalimder tartylyp, jumysqa qabyldanǵan ustazdardyń basym kópshiligi «pedagog-zertteýshi», «pedagog-sarapshy» jáne «pedagog-moderator» biliktilik sanattaryna ıe.
Oralda «Keleshek mektebi» ashyldy
Sondaı-aq balalardy áleýmettendirý jumystaryna da basymdyq berilip, oqý daǵdylaryn meńgerý men olardyń jasyna saı damýyn qadaǵalap otyrý úshin psıholog, áleýmettik pedagog, logoped jáne defektolog mamandar da qabyldandy. Eńseli bilim ordasynyń ishki jabdyqtalýy, yńǵaıly partalar men kórnekilik oqý quraldary, zamanaýı sıfrlyq oqý tehnıkalary oqýshylardyń oqyp-úırenýge degen zeıinin ashýǵa múmkindik beredi.
«Keleshek mektepteri»: Saýranda 3 zamanaýı mektep paıdalanýǵa berildi