Jeke mektep memleket menshigine berildi

Oblys ákimi Nurlybek Nálibaev óńirde Memleket basshysynyń, Úkimettiń erekshe qoldaýymen júzege asqan aýqymdy jobalar men tyń bastamalar týraly aıtyp ótti. Oblystyq bilim basqarmasynyń basshysy Asqarbek Esjanov pen «Orda school» mektebiniń quryltaıshysy Murat Baqtııaruly memorandýmǵa qol qoıdy.

Keıingi jyldary bıýdjettiń basym bóligi áleýmettik salaǵa, onyń ishinde bilimge baǵyttalyp otyr. Keıingi 3 jylda salaǵa 812 mlrd 245 mln teńge, al bıyl 346 mlrd 800 mln teńge jumsalypty. О́ńirde «Orda school» jekemenshik mektepteriniń jelisi 4-ke jetti. Sabalaq saıajaıyndaǵy 400 oryndyq bilim oshaǵynyń quny 520 mln teńge.

«Bizdiń eń birinshi mindetimiz – bala­larymyzdyń jan-jaqty, sapaly bilim alýyna qolaıly jaǵdaı jasap, jaıly orta qalyptastyrý», dedi aımaǵymyzda alǵashqylardyń biri bolyp, táýekelge bel býyp, qarjysyn bilim salasyna salǵan Murat Baqtııaruly.

«Orda school-2» jeke mektebi oryn tepken «Sabalaq» saıajaıy aýmaǵy jyl saıyn keńeıip, halyq sany artyp keledi. Táýekelge baryp, osy aýmaqtan alǵash mektep ashqan quryltaıshy 336 oqýshyny tegin oqytyp keldi. Bıznestiń áleýmettik jaýapkershiligi aıasynda osydan 2 jyl buryn ashylǵan jekemenshik bilim oshaǵy «Orda school-2» endi №297 orta mektep bolyp qaıta qurylyp, memlekettik mekeme retinde jumysyn jalǵastyrady. Jas órenderimizdiń ıgiligi jolynda jasaǵan batyl qadamy úshin Syr jurtshylyǵy atynan Murat Baqtııarulyna alǵysymyzdy bildiremiz. Básekege qabiletti, zamannyń jańa shaqyrtýlaryna daıyn, ozyq oıly urpaq tárbıeleý jolyndaǵy bastamalaryńyzǵa sáttilik tileımin», dedi óńir basshysy.

Buǵan deıin saıajaıdan qaladaǵy mektepterge qatynap oqýǵa májbúr bolǵan 326 oqýshynyń máselesi tolyq sheshimin tabady.

Basqosýda «Ulaǵat» mektebiniń quryl­taıshysy Qalqazbek Ájibekov, «Zerde» mektebiniń quryltaıshysy Seıitqalı Alshyn­baevtar sóz sóılep, jańa bastamaǵa sáttilik tiledi.

Qyzylorda