Qazaq kitaptary – Úndistanda

Azııadaǵy eń iri ádebı alańdar­dyń biri sanala­tyn kórmedegi ulttyq stend­ke qazaq ádebıetiniń klassıkalyq jáne zamanaýı úlgileri, sondaı-aq eldiń tarıhy men mádenıetin tanytatyn basylymdar qoıyldy.

Máselen, Muhtar Áýe­zov, Ábish Kekilbaı, Ber­di­bek Soqpaqbaev, Saıyn Murat­bekov, Oral­han Bókeı, Dýlat Isa­bekov syndy shoqtyǵy bıik jazý­shylardyń shy­ǵarmalaryn qosqanda jalpy jıyrmaǵa jýyq aýdarma kitap usy­nylǵan. Al Abaı­dyń qara sózderi hındı tiline aýdaryldy.

Uıymdastyrýshylardyń aıtýynsha, kórmege baspagerler men aýdarmashylar ǵana emes, Úndistannyń jetekshi ýnıversıtetterinde oqıtyn stýdentter de erekshe qyzyǵýshylyq tanytqan.

Tarıh ǵylymdarynyń doktory Sattar Májıtovtiń aıtýynsha, qazaq tarıhyna degen suranys aıryqsha baıqalǵan.

«Búgingi Delıdegi kór­me úndistandyq stýdentter tarapynan úlken qyzy­ǵýshylyq týdyrdy. Ási­rese Delı ýnıversıteti, Dja­vaharlal Nerý ýnıversıteti, Gandı ýnıversıteti sekildi joǵary oqý oryndarynyń ókilderinen kóp suraq qoıyldy. Olardyń basym bóligi Qazaqstan tarıhyna qatysty boldy. Kórmede el tarıhyna arnalǵan kitap­tar, qazaq tilindegi bes tomdyq «Qazaqstan tarıhy», Qazaqstannyń materıaldyq emes mádenı murasy týraly basylym, sondaı-aq Myrza Haıdar Dýlatıdiń eńbekteri usynyldy», deıdi ol.

Aıta keteıik, Úndis­tandaǵy halyqaralyq kitap jármeńkesi turaqty uıym­dastyrylǵaly da jarty ǵasyr­dan astam ýaqyt ótipti. 

Kitap kórmesine qatysyp jatqan fılolog Aınur Ahmetova keıingi jyldary qazaq ádebıetiniń aǵylshyn tildi aýdıtorııaǵa júıeli túrde tanystyrylyp kele jatqanyn aıtty.

Keıingi jyldary biz Kembrıdj ýnıversıteti shyǵarǵan eki antologııa­ny usynyp júrmiz. Olarǵa HH–HHI ǵasyrdaǵy qazaq avtorlarynyń shyǵarmalary endi. Biri prozaǵa, ekinshisi poezııaǵa arnalǵan», dedi ol.

Al jas jazýshy Álisher Rahat osyndaı kórmelerde qazaq ádebıetiniń birneshe tilde usynylǵany mańyzdy ekenin tilge tıek etti.

Eske salaıyq, Nıý-Delı­degi halyqaralyq kitap jár­meńkesi 18 qań­tarǵa deıin jalǵasady. Qazaq­stan ekspozısııasyn ázirleýge Mádenıet jáne aqparat mınıstrligi, Ulttyq kitaphana jáne Qazaq­stannyń Úndistandaǵy elshi­ligi atsalysqan. Uıym­­das­tyrýshylardyń piki­rinshe, mundaı jobalar she­teldik oqyrmandy qazaq ádebıetimen tanys­tyryp, elder arasyndaǵy mádenı baılanystardy ny­ǵaıtady.