QYZYLORDA. 12 mamyr. Qyzylorda oblysy Shıeli aýdany Sh.Qodamanov aýylynda Jeńis kúnine oraı 150 oryndyq aýyldyq klýb ashyldy. Bul týraly egemen.kz tilshisi habarlady.
Sharaǵa ardagerler men aýyl turǵyndary qatysty. Oblys ákimi Qyrymbek Kósherbaev barsha aýyl turǵyndaryn Jeńistiń 70 jyldyǵymen quttyqtap, jańadan iske qosylǵan mádenı oshaqtyń jumysymen tanysty.
«Elbasynyń qamqorlyǵynyń arqasynda bizdiń elimizde mádenıet salasyn damytýǵa qajetti jaǵdaılardyń barlyǵy jasalǵan. Ásirese, aýyldyń mádenıetin kóterý, kórkeıtý – basty mindetterdiń biri. Bul baǵyttaǵy jumystar Syr óńirinde júıeli júzege asýda», – dedi aımaq basshysy.
Shara barysynda oblys ákimi Uly Otan soǵysynyń ardagerleri B.Dúısenov pen V.Krıvenkoǵa «Jeńistiń 70 jyldyǵy» medalin tabys etti.
Eki qabattan turatyn ǵımarat zamanaýı talapqa saı salynǵan. Klýbta myńnan astam qory bar kitaphana jáne sýret, mýzykalyq bilim beretin úıirmeler jumys jasaıtyn bolady.
Aıta ketıik, bıyl oblys boıynsha 8 mádenı nysannyń qurylysyna memlekettik qazynadan 3 mıllıard teńge qarjy bólinip otyr. Onyń ishinde 7 aýyldyq klýb jáne murajaı men kitaphana qurylysy da bar. Jyl sońyna deıin oblys boıynsha osyndaı 6 nysan paıdalanýǵa beriledi dep josparlanýda.
Erjan Baıtiles.
Derek: egemen.kz.
Sýret: Baǵdat Esjanov.