Jarys kúndeligi

О́skemende voleıboldan Qazaqstan sýperkýboginiń ıegeri anyqtaldy. Bas júlde úshin tartys el chempıony Taldyqorǵannyń «Jetisýy» men kýbok ıegeri Túrkistannyń «Turany» arasynda órbidi. Bul báseke 3:0 (25:22, 25:22, 25:17) esebimen aıaqtaldy. Sóıtip, «Jetisý» óz tarıhynda besinshi ret sýperkýbok oljalady.

Shaıbaly hokkeıden elimizdiń jastar quramasy men Astananyń «Barys» klýbynyń shabýylshysy Semıon Sımonov №81 bolyp Ulttyq hokkeı lıgasynyń (UHL) keńeıtilgen drafyna ilikti. Byltyr ol elordalyq komandanyń sapynda 42 ret muz aıdynyna shyǵyp, 15 (9 gol+6 pas) upaı jıdy. Eger álemdegi eń úzdik lıga­daǵy klýbtardyń biri Sımonovty óz qataryna qabyldasa, 20 jastaǵy daryndy oıynshyǵa bul erekshe mártebe bolary sózsiz.