Sheshenstan basshysy Ramzan Qadyrovtyń uly Adam Qadyrov Groznyı qalasyndaǵy respýblıkalyq klınıkalyq aýrýhanaǵa jetkizildi. Bul týraly Telegram-arnalary jazdy, dep habarlaıdy Egemen.kz.
– Adamdy ákelgendikten aýrýhanaǵa aparatyn joldar jabyldy, ol es-tússiz reanımasııada jatyr, – dedi Groznyıdaǵy derekkózderdiń biri.
Qadyrovtyń korteji jol-kólik oqıǵasyna ushyraǵan. Arna habarlamasynda kortejdiń ádettegideı joǵary jyldamdyqpen qozǵalyp kele jatyp, kútpegen kedergige tap bolǵany, sonyń saldarynan kólikterdiń bir-birine soqtyǵysqany aıtylǵan.
NIYSO deregine sáıkes, jol apatynan taǵy bir joǵary laýazymdy sheshen sheneýniginiń uly da zardap shekken bolýy múmkin, alaıda onyń esimi atalmaıdy. Sondaı-aq aýrýhana mańyndaǵy dańǵyl jabylyp, Groznyı qalasyna kireberisterde keptelister paıda bolǵany habarlandy. Arna málimetinshe, Adam Qadyrovty Máskeýge tasymaldaýǵa daıyndaý máselesi qarastyrylýy múmkin. Jol apatynan Qadyrovtyń úsh kúzetshisi aýyr jaraqat alǵany da aıtyldy.
Ramzan Qadyrovtyń 20 jastaǵy uly vıse-premer bolyp taǵaıyndaldy
Atalǵan aqparatqa qatysty Sheshenstan bıligi tarapynan ázirge resmı rastaý berilgen joq.
Adam Qadyrov 18 jasta. Ol Sheshenstan qaýipsizdik keńesiniń hatshysy qyzmetin atqarady. 2025 jylǵy sáýirde Sheshen Respýblıkasynyń ishki ister mınıstrligin kýratorlyq etýge taǵaıyndalǵan. Sonymen qatar ol Reseı Qorǵanys mınıstrligine qarasty Sheıh Mansýr jáne Baısangýr Benoevskıı atyndaǵy batalondardy, sondaı-aq Pýtın atyndaǵy arnaıy maqsattaǵy ýnıversıtetti qadaǵalaıdy.
Ramzan Qadyrovtyń uly kezekti marapatqa ıe boldy