Partııalardyń Parlamentke ótý mejesi 5 paıyz bolyp qala bere me?

«Partııalardyń Parlamentke ótý mejesin qazirgi bes paıyzdan jeti paıyzǵa qaıtarý qajet degen pikir aıtyldy. Bul ereje kezinde Ulttyq qoǵamdyq senim keńesiniń bastamasymen qabyldanǵan bolatyn. Bes jyl buryn engizilgen osyndaı ózgerister saılaý zańnamasyn jaqsartýǵa edáýir septigin tıgizdi. Mejeni tómendetý arqyly Parlamenttegi iri saıası kúshterdiń ústemdigin azaıtyp, partııalar arasyndaǵy básekeni kúsheıtýdi maqsat tutqan edik. Búgingi tańda osy normanyń tıimdiligine kózimiz jetti. El tarıhynda alǵash ret Májiliske alty partııanyń ótýi – sonyń aıqyn dáleli. Sondyqtan men bes paıyzdyq mejeni qaldyrǵan jón dep sanaımyn», dedi Qasym-Jomart Toqaev.

Elimizde arnaıy Konstıtýsııalyq komıssııa qurylatyn boldy

Prezıdenttiń aıtýynsha, usynystardyń tórtinshi bóligi zań shyǵarýshy organnyń jumys tártibi men rásimderine qatysty boldy. Jańa Parlamentte depýtattardy bes jylǵa saılaý kózdelip otyr.

«Zań qabyldaýdyń úsh kezeńnen turatyn prosedýrasy usynylady. Depýtattar birinshi kezeńde zań jobasyn jalpy maquldaıdy. Odan keıin ózgeristerdi maquldaıdy, sońynda zańdy qabyldaıdy. Osylaısha, biz Parlament qyzmetin túbegeıli qaıta qurý arqyly osyǵan deıin júzege asyrylǵan saıası reformalardy odan ári jalǵastyramyz. Memlekettiń ınstıtýsıonaldyq tuǵyryn nyǵaıtyp, «Kúshti Prezıdent – yqpaldy Parlament – esep beretin Úkimet» qaǵıdatyna sáıkes ornyqty saıası júıe qalyptastyramyz. Basty maqsatymyz da – osy», dedi Memleket basshysy. 

Endi Memlekettik keńesshi laýazymy bolmaıdy

Buǵan deıin Memleket basshysynyń jańa Parlamenttiń ataýyn «Quryltaı» dep ataýdy usynǵanyn jazǵan edik.