Ýkraınanyń burynǵy prezıdenti Vıktor Iаnýkovıchke taǵy bir syrttaı úkim shyǵaryldy. Ol jer telimderin zańsyz ıemdengeni úshin 15 jylǵa bas bostandyǵynan aıyryldy. Bul týraly Ýkraınanyń Joǵary antıkorrýpsııalyq soty málimdedi, dep habarlaıdy Egemen.kz.
Is materıaldaryna sáıkes, 2007 jyly premer-mınıstr bolǵan Vıktor Iаnýkovıch Kıev oblysyndaǵy Dnepr-Teterev orman-ańshylyq sharýashylyǵyna qarasty orman qory jerin ıemdený maqsatynda jer máselesine qatysty sheshimderdiń qabyldanýyna bastamashy bolǵan.
«Qylmystyq shemany júzege asyrý úshin burynǵy prezıdenttiń sybaılastary ózderine jaqyn adamdardy tartqan. Olar Kıev oblystyq memlekettik ákimdigine kólemi 1 gektarǵa deıingi jer telimderin berý týraly birneshe ótinish tapsyrǵan, keıin olardyń nysanaly maqsatyn ózgertýge qol jetkizgen. Bul óz kezeginde jerdi burynǵy prezıdenttiń baqylaýyndaǵy kompanııaǵa kedergisiz berýge múmkindik berdi», dep habarlady VAKS.
2009-2011 jyldary atalǵan aýmaqta qonaqúı-meıramhana kesheni salynǵan. Vıktor Iаnýkovıch bul nysandy jeke qajettilikteri úshin paıdalanǵan.
Sot eks-prezıdentti orman qorynyń aýmaǵyndaǵy kólemi 17,5 gektar bolatyn, shamamen 22 mln grıven (260 mıllıon teńgege jýyq) turatyn jer telimin zańsyz ıemdengeni úshin kináli dep tanydy.
Ýkraınaǵa qaýipsizdik kepildikteri berile me?
2025 jylǵy sáýir aıynda Vıktor Iаnýkovıch sondaı-aq áskerden qashýǵa ıtermeleý jáne memlekettik shekara arqyly zańsyz ótýge uıymdastyrýshylyq jasaǵany úshin syrttaı 15 jylǵa sottalǵan bolatyn.
Al 2019 jylǵy qańtarda oǵan Ýkraınaǵa qarsy agressııalyq soǵys júrgizýge kómektesti jáne memleketke opasyzdyq jasady degen aıyptar boıynsha 13 jylǵa bas bostandyǵynan aıyrý jazasy taǵaıyndalǵan. Bul úkim de syrttaı shyǵaryldy, sebebi burynǵy prezıdent 2014 jyly elden qashyp ketken.
Zelenskıı Tramppen Ýkraına men AQSh arasyndaǵy erkin saýda týraly kelisimdi talqylady
Buǵan deıin Ýkraına Bas prokýratýrasy Vıktor Iаnýkovıchtiń Reseı Federasııasynyń Máskeý oblysyndaǵy Barvıha eldi mekeninde júrgenin habarlaǵan. Iаnýkovıch Ýkraınany 2010–2014 jyldar aralyǵynda basqarǵan bolatyn.
Reseı úsh jylda Ýkraına aýmaǵynyń qansha bóligin basyp aldy?