Endi kezekte turǵan azamattarǵa turǵyn úıdegi úlesiniń bolýyna baılanysty jeńildetilgen ıpoteka nemese jaldamaly turǵyn úı berýden bas tartylmaıdy. Jańa ereje aqpan aıynan bastap kúshine enedi, dep habarlaıdy Egemen.kz.
Buǵan deıin kez kelgen turǵyn úıde eń az úlestiń bolýy halyqty memlekettik qoldaýǵa úmitker bolý quqyǵynan avtomatty túrde aıyratyn. Qoldanysta bolǵan talaptarǵa sáıkes, ótinish berýshiniń sońǵy bes jyl ishinde menshiginde jyljymaıtyn múlki bolmaýy tıis edi. Alaıda bul úles kóbine formaldy sıpatta bolyp, mysaly, ata-anasynyń páterindegi úles bolǵanymen, is júzinde adamnyń óz baspanasy bar ekenin bildirmeıtin.
Qazaqstanda turǵyn úıdi jalǵa alý quny 13%-ǵa ósti
Endi bul shekteý alynyp tastaldy. Kezekte turǵan azamattar turǵyn úıdegi úlesi bolǵan kúnniń ózinde jeńildetilgen ıpotekaǵa nemese jaldamaly turǵyn úıge úmitker bola alady.
«Endi azamattardyń turǵyn úıde úlesi bolsa da, eger ol kezekte tursa, memlekettik qoldaýǵa qol jetkize alady. Bul – banktiń bastamasy, sebebi zań deńgeıinde bul másele ázirge rettelmegen», dep habarlady «Otbasy banki».
Bir aıda 53 myń mámile jasaldy: Turǵyn úı baǵasy qaı qalalarda qatty kóterildi?
Qarjy ınstıtýty bul sheshimniń formaldy úlesine bola baspanasyz qalǵan kóptegen azamattardyń shaǵymynan keıin qabyldanǵanyn túsindirdi.
Buǵan deıin Qazaqstanda túrli sanattaǵy azamattardy qoldaýǵa baǵyttalǵan memlekettik ıpotekalyq baǵdarlamalar jumysyn jalǵastyryp jatqany habarlanǵan edi.