FlyArystan áýe kompanııasynyń ushaǵy qustarmen soqtyǵysýyna baılanysty Oral qalasynyń áýejaıynda kidirýge májbúr bolǵan. Bul týraly tasymaldaýshynyń baspasóz qyzmeti habarlady, dep jazady Egemen.kz.
Kompanııanyń málimetinshe, 24 qańtarda FS7167 reısin (Almaty-Oral baǵyty) oryndaý kezinde áýe kemesi qustarmen soqtyǵysqan. Ushaq Oral áýejaıyna qonǵannan keıin tekserý júrgizý jáne áýe kemesiniń jekelegen bólshekterin aýystyrý úshin Astanadan ınjenerlik-tehnıkalyq mamandar jiberilgen.
Barlyq tekserý jumystary aıaqtalǵan soń ushaq paıdalanýǵa jaramdy dep tanylyp, 25 qańtar kúni saǵat 01:17-de Oral-Almaty baǵyty boıynsha ushyp shyqqan. Keshiktirilgen reıs jolaýshylaryna ystyq sýsyndar men tamaq berilip, suranys boıynsha 33 jolaýshy qonaqúıge ornalastyrylǵan.
Jańa áýe reısi týrızmdi túletedi
FlyArystan ókilderi qustarmen soqtyǵysý jaǵdaılary áýe kompanııasyna táýelsiz syrtqy faktorlarǵa jatatynyn atap ótti. Barlyq áreket avıasııalyq qaýipsizdik pen tehnıkalyq paıdalaný talaptaryna qatań sáıkes atqarylǵan.
Elimizde aldaǵy úsh jylda birneshe óńiraralyq áýe reısi iske qosylady