Ári jarys ári mereke sanalatyn marafonda nebir qyzyqtar men adam tańǵalarlyq nátıjeler jıi bolyp turady. Máselen, 2023 jyldyń 8 qazanynda Chıkago kóshelerinde bolǵan marafon tarıhta qaldy. Kenııalyq jelaıaq Kelvın Kıptým 42,195 shaqyrymdyq jarysta márege 2 saǵat 35 sekýndta kelip, álem rekordyn jańartty. Bul nátıje World Athletics tarapynan resmı túrde bekitildi. Rekord 6 aqpan 2024 jyly ratıfıkasııalanǵan, dep habarlaıdy Egemen.kz.
Kıptýmnyń 2:00:35 kórsetkishine deıingi burynǵy álem rekordy – 2:01:09. Bul rekordty 2022 jyly Berlınde kenııalyq jelaıaq Elıýd Kıpchoge ornatqan edi.
Syrttaı qarasań, ekeýiniń aıyrmashylyǵy jarty-aq mınýt sııaqty. Biraq marafonnyń álemdik deńgeıinde 34 sekýnd kóp nárseni sheshedi.
2:00:35 – tek ýaqyt emes, esep. Mundaı nátıje úshin sportshy marafon boıy orta eseppen, ıaǵnı ár shaqyrymdy shamamen 2 mınýt 51 sekýndta, ár mılıany (1,609 km) shamamen 4 mınýt 36 sekýndta baǵyndyrýy kerek.
80 jastaǵy sportshy Nıý-Iork marafonyn baǵyndyrdy
Bul – kópshilik úshin 400 metrdiń ózine aýyr temp. Al Kıptým dál osy qarqyndy 42 shaqyrym boıy ustap qana qoımaı, sońyna qaraı údetken. World Athletics Chıkagoda onyń nátıjesi keremet ekenin aıta otyryp, jarystyń álem rekordyna saı ótkenin jazady.
Chıkago marafony – álemdegi eń bedeldi alty «World Marathon Majors» jarysynyń biri sanalatyn úlken doda. 2023 jylǵy jarysta da myńdaǵan qatysýshy startqa turdy, elıta básekesi bólek áńgime boldy. Sol kúni Kıptým bastapqy jospardy «jaı ǵana utqyr» oryndap qoımaı, márege jaqyndaǵanda jyldamdyq qosyp, rekordqa bir-aq shyqty. Associated Press jarys kúnindegi habarynda onyń álem rekordyn jańartqanyn, nátıjesiniń 2:00:35 bolǵanyn jáne burynǵy rekordtan 34 sekýndqa ozyp ketkenin naqtylap jazdy.
54 jylǵa sozylǵan marafon
Kıptýmnyń ereksheligi – onyń álemdik arenaǵa óte jyldam «jarq» etip shyǵýy. Ol elıtalyq deńgeıde az ǵana marafon júgirip úlgerse de, ár qatysqan jarysynda joǵary nátıje kórsetti. 2023 jylǵy London marafonynda ol 2:01:25 ýaqytpen jeńiske jetip, álem rekordyna tym jaqyn barǵany da sol jyly-aq kóptiń nazaryn aýdartqan. Alty aıdan soń Chıkagoda rekordty jańartty.
Robottar marafony
Kıptýmnyń dańqy asqaqtap turǵan kezde álem jeńil atletıkasy aýyr habar estidi. Kelvın Kıptým 2024 jylǵy 11 aqpanda Kenııada jol apatynan qaza tapty. Qaıǵyly oqıǵada onyń bapkeri Jervaıs Hakızımana da kóz jumǵan. Reuters agenttigi osy derekti, onyń Chıkagoda álem rekordyn ornatqanyn jáne jasy 24-te bolǵanyn habarlady. Jarystan nebári bes kún buryn ǵana onyń rekordy World Athletics tarapynan resmı túrde bekitilgen edi.