Kolın Makdonald – Tıtanık kemesine minýden úsh ret bas tartyp, aman qalǵan jan. Ol kemeniń apatqa ushyrap jatqany týraly aıan tús kórgen.
Birinshi ret Kolınge isker seriktesi Tıtanıkke alǵan óz bıletin bergisi keledi. Alaıda Makdonald esh sebepsiz bıletti alýdan bas tartady. Ekinshi joly klýbtaǵy lotereıadan utyp alady, biraq ony ózge adamǵa berip jiberedi. Úshinshi ret jubaıy úılený mereıtoıyna syılyq retinde bılet satyp alady. Sonda Makdonald qarsy bolyp, bıletterdi keri ótkizedi. Ol bunyń naqty sebebin eshkimge aıtpaǵan. Keıin Kolın qaıtys bolǵannan soń nemereleri onyń kúndeligin taýyp alady. Onda 1912 jyldyń 8 sáýirindegi jazba bar eken. Onda bylaı dep jazylypty: «Taǵy da sol tús. Alyp keme sýǵa ketip barady. Muzdaı sýda aıqaılaǵan adamdar. Terge malshynyp oıanamyn».