Elimiz «FIFA Series 2026» dop dodasyn ótkizý quqyǵyna ıe bolǵany belgili. Keshe sol jarystyń kestesi jarııalandy. Jerlesterimiz tusaýkeser kezdesýin 25 naýryzda Komor araldaryna qarsy oınaıdy. Sol kúni Kýveıt pen Namıbııa kúsh synasady. Araǵa úsh táýlik salyp alǵashqy matchta jeńilgen komandalar kezdesse, jeńiske jetkenderi ózara sheberlik baıqasady. Básekeler «Astana Arenada» ótedi.
Maldıv araldarynyń astanasy – Malede voleıboldan áıelder arasynda Ortalyq Azııanyń Chempıondar lıgasy bastaldy. Tuńǵysh ret uıymdastyrylyp otyrǵan jarysta byltyr elimizdiń kýbogin oljalaǵan Almatynyń «Turany» baq synaıdy. Olar «A» tobyna tústi. Qarsylastary – jergilikti «Vamko» men Shrı-Lankanyń «Hırdaramanıi». V tobynda Irannyń «Výlad», О́zbekstannyń «Hýmo», Nepaldyń «Nepal Polıs», Maldıvtiń «Hýra Komıýnıtı» klýbtary sheberlik baıqasady. Jarystyń jeńimpazy sáýir aıynyń sońynda Ońtústik Koreıanyń Koıan qalasynda tusaýy kesiletin AVC Chempıondar lıgasynda kúsh synasý qurmetine ıe bolady.
8 aqpanda aralas jekpe-jekten Las-Vegastaǵy UFC Fight Night 266 týrnırinde Nıkolaı Veretennıkov (13-7) brazılııalyq Joze Enrıke Soýzamen (8-1) saıysqa túsýge tıis edi. Alaıda qarsylasy vıza máselesin der kezinde sheshe almady. Sol sebepti ol jarystan shettetildi. Endi jerlesimiz AQSh faıteri Nıko Praıspen (16-9) aıqasady.
Almatyda sporttyq gımnastıkadan erler men áıelder arasyndaǵy el chempıonaty márege jetti. Jarysta Ilııas Ázizov erkin jattyǵý men shyǵyrshyqta top jarsa, Roman Hegaı qossyryq pen kópsaıysta dara shyqty. At jattyǵýynda Narıman Qurbanovqa, qoldy tirep sekirýde Altynhan Temirbekke, kermede Mılad Karımıge teń keler eshkim tabylmady.
Erkin kúresten elimizdiń erler quramasyn (U23) endi 40 jastaǵy Erkebulan Keshýbaev jattyqtyrady. О́z isiniń bilgir mamany Almatydaǵy Shańyraq shaǵyn aýdanynda ornalasqan sporttaǵy daryndy balalarǵa arnalǵan mektep-ınternatta eńbek etken jyldary bir shoǵyr myqty balýandardy tárbıeledi. Solardyń biregeıi – elimizden shyqqan tuńǵysh álem chempıony Rızabek Aıtmuhan. Al jastar quramasynyń (U23) tizginin 36 jastaǵy Dáýlet Nııazbekov ustady. Syr boıynyń sańlaǵy álem chempıonatynda bir kúmis, bir qola medal ıelenip, Azııa chempıonatynda úsh altyn, tórt qolany oljalady. Sondaı-aq London, Tokıo Olımpıadalaryna qatysyp, eki jarysta da besinshi orynǵa taban tiredi.