N.Bekbosynov atyndaǵy Mańǵystaý energetıkalyq kolledjiniń arnaıy pán oqytýshylary Dosan Qarashaev pen Aınur Ondahanova «ETF Green Skills Awards 2025» bedeldi halyqaralyq jobasynyń jeńimpazdary atandy. Bul týraly Oqý-aǵartý mınıstrligi málim qyldy, dep habarlaıdy Egemen.kz.
Baıqaý Eýropalyq oqytý qorynyń (European Training Foundation – ETF) uıymdastyrýymen ótti. Pedagogter «Zamanaýı bilim berý baǵdarlamalarynyń jasyl tehnologııalardy damytýdaǵy róli» taqyrybyndaǵy avtorlyq jobalaryn usynyp, jańartylatyn energııa kózderin oqý úderisine júıeli engizýdiń tetikterin kórsetti. Sonymen qatar bolashaq mamandardyń ekologııalyq quzyrettiligin arttyrý joldary jan-jaqty negizdeldi.
Halyqaralyq jobaǵa álemniń 50-den astam elinen 250-den asa úmitker qatysyp, irikteý birneshe kezeńnen turdy. Barlyq kezeńderden súrinbeı ótken mańǵystaýlyq pedagogter óz jobalaryn halyqaralyq sarapshylar aldynda joǵary kásibı deńgeıde qorǵap, úzdik 5 jobanyń qataryna endi.
Qazaqstan men Qytaı sý salasynyń mamandaryn daıarlaıtyn kolledj qurady
Jeńimpazdar marapattaldyJeńimpazdardy marapattaý rásimi Italııanyń Týrın qalasynda ótti. Saltanatty jıyn Týrın polıtehnıkalyq ýnıversıtetinde uıymdastyrylǵan «Eýropalyq odaq – Italııa energetıka kúnderi: energetıkalyq aýysýdy qamtamasyz etý jáne nyǵaıtýǵa arnalǵan jańa is-qımyldar» atty halyqaralyq konferensııa sheńberinde ótti. Bıylǵy marapattaý «Green Skills» syılyǵynyń 5 jyldyq mereıtoıyna arnaldy.
Kásipke bastar kolledj
Mınıstrlik ókilderiniń aıtýynsha, pedagogterdiń bul jetistigi tehnıkalyq jáne kásiptik bilim berý júıesinde jasyl daǵdylardy damytýǵa baǵyttalǵan ulttyq bastamalardyń tıimdiligin aıqyn kórsetedi. Sonymen qatar Qazaqstan kolledjderiniń halyqaralyq bilim keńistigindegi bedelin arttyrýǵa yqpal etedi.
Elimizde qansha kolledj bar?