30 qańtar kúni Shymkent qalalyq perınataldyq ortalyǵynda úshem dúnıege keldi. Úshem 11 táýlik ortalyq dárigerleriniń baqylaýynda bolyp, keshe úılerine shyǵarylǵan, dep jazady Egemen.kz.
Qala turǵyny Súleımenova Aqsholpan úshemderdi qosa alǵanda jeti perzenttiń anasy atanǵan. Nárestelerge Dáýlet, Dımash, Dına esimderi berilgen.
Zańǵar, Aıbar, Ásel: Almatyda úshem dúnıege keldi
«Úshemniń salmaqtary týǵanda árqaısysy eki keliden asty. Ekinshi jáne úshinshi náresteler týǵannan keıin birden reanımasııa jáne qarqyndy terapııa bólimshesine ornalastyrylyp, jaǵdaılary turaqtanǵan soń bir táýlikten keıin negizgi bólimshege aýystyryldy», delingen Shymkent qalalyq perınataldyq ortalyǵy taratqan habarlamada.
Dárigerler úshemderge tolyq medısınalyq kómek kórsetilip, perzenthanadan shyǵar ýaqytta olardyń jaǵdaıy qanaǵattanarlyq deńgeıde bolǵanyn málimdedi.
Buǵan deıin Qostanaı oblysynyń turǵyny úsh uldan keıin úshem qyz bosanǵanyn habarlaǵanbyz.