Kúres federasııasynyń baspasóz qyzmeti Qazaqstan áıelder quramasynyń jańa bas bapkeri qyzmetine Nursultan Temirov taǵaıyndalǵanyn habarlady, dep jazady Egemen.kz.
Nursultan Temirov 2014 jyldan beri jattyqtyrýshy qyzmetin atqaryp keledi. Ol ár jyldary jasóspirimder jáne jastar quramasy men ulttyq quramanyń aǵa jattyqtyrýshysy qyzmetin atqarǵan. Úsh jyl boıy áıelder kúresinen memlekettik jattyqtyrýshy bolyp eńbek etken.
Sondaı-aq jańa bas bapker álem chempıonatynyń 4 dúrkin júldegeri Jámılá Baqbergenova jáne taǵy basqa balýandardy tárbıelegen.
Aıta keteıik, buǵan deıin áıelder quramasynyń bas bapkeri qyzmetin Qaırat Saǵadıev atqardy.
Buǵan deıin erkin kúresten el quramasynyń bas bapkeri bolyp Danııar Qaısanov taǵaıyndalǵanyn habarlaǵanbyz.