15 naýryzda ótetin respýblıkalyq referendým qarsańynda Shyǵys jastary el taǵdyry úshin mańyzdy qadamǵa ún qosty. Olar úshin bolashaq – alys kókjıek emes, búgingi tańdaýdan bastalatyn naqty jaýapkershilik. О́ıtkeni memleket erteńi ár azamattyń sanaly sheshimi men azamattyq ustanymyna baılanysty aıqyndalady, dep habarlaıdy Egemen.kz.
Jas býyn ókilderiniń aıtýynsha, referendým – únsiz qalatyn sát emes, kerisinshe óz kózqarasyńdy ashyq bildirip, eldiń damý baǵytyna úles qosatyn múmkindik.
«Taǵdyr tarazysy tek bıik minberlerde ǵana sheshilmeıdi. Barlyǵy saılaý ýchaskesine kelip, óz tańdaýyn jasaǵan ár azamattyń qadamynan bastalady», deıdi bastamashyl top ókilderi.
Aıdos Ádilbekuly atap ótkendeı, jastardyń belsendi azamattyq ustanymy – eldiń turaqty damýynyń berik negizi.
«Jas urpaq sanaly tańdaý jasaǵanda, olar tek óz bolashaǵyn ǵana emes, tutas memlekettiń keleshegin aıqyndaıdy», deıdi A.Ádilbekuly.
Prezıdent: Ata zańymyzǵa qatysty túpkilikti sheshim jalpyulttyq referendýmda qabyldanady
Shyǵys jastary bul úndeýdi mindetteý retinde emes, sanaly azamattyń el aldyndaǵy paryzy retinde qabyldaýǵa shaqyrady. Sebebi azamattyq belsendilik – zańmen berilgen quqyqty paıdalaný ǵana emes, sol quqyq arqyly qoǵam damýyna yqpal etý.
«Bolashaq – syrttaı baqylaýshylardyń emes, áreket etetin azamattardyń qolynda» degen ustanym búgingi býynnyń ortaq uranyna aınaldy. Sondyqtan 15 naýryz – kúntizbedegi jaı ǵana data emes, el taǵdyryna beıjaı qaramaıtyn jandardyń tańdaýy synalatyn kún.
Ár daýys – jaýapkershilik. Ár tańdaý – tarıhtyń bir bólshegi. Al tarıhty óz taǵdyryna nemquraıly qaramaıtyn halyq jasaıdy», delingen habarlamada.
Referendýmnyń qashan ótetini belgili boldy