Elordadaǵy kásiporyndardyń birinde jańa Konstıtýsııa jobasyn túsindirýge arnalǵan kezdesý ótti. Jıynda qujattyń negizgi baǵyttary saralanyp, eńbek ujymy referendýmǵa belsendi qatysýǵa shaqyryldy, dep habarlaıdy Egemen.kz.
Astana qalasynda Qoǵamdyq keńes jáne Konstıtýsııalyq komıssııa múshesi Zamıra Kýzıeva «Biryńǵaı shoǵyrlandyrý ortalyǵy» JShS eńbek ujymymen júzdesti. Kezdesýdiń basty maqsaty – Qazaqstan Respýblıkasynyń jańa Konstıtýsııasy jobasynyń mazmunyn túsindirý jáne onyń mańyzyn talqylaý.
Jańa Konstıtýsııa: Sarapshylar qoǵamdyq turaqtylyq pen damýǵa qoldaý bildirdi
Jıynda memlekettilikti nyǵaıtý, adam quqyqtary men bostandyqtaryn qorǵaý, zań ústemdigin ornyqtyrý jáne azamattardyń memleket isin basqarýǵa qatysý múmkindigin keńeıtýge baǵyttalǵan normalar sóz boldy. Spıkerdiń aıtýynsha, qujat el damýynyń uzaq merzimdi baǵdaryn aıqyndaıdy.
«Men úshin jańa Konstıtýsııa – el damýynyń aldaǵy jyldarǵa arnalǵan baǵytyn aıqyndaıtyn mańyzdy baǵdar», dedi Zamıra Kýzıeva.
Ol jahandyq ózgerister jaǵdaıynda quqyqtyq keńistiktiń turaqtylyǵy men boljamdylyǵy sheshýshi mánge ıe ekenin atap ótti.
«Negizgi zań azamattar men bıznes úshin turaqtylyqty, túsinikti erejelerdi jáne boljamdylyqty qamtamasyz etýi óte mańyzdy», dedi komıssııa múshesi.
Kezdesý barysynda áleýmettik kepildikter máselesine de aıryqsha nazar aýdaryldy. Jańa joba eńbek etý, qyzmet túrin erkin tańdaý, demalý jáne áleýmettik qorǵalýǵa qatysty quqyqtardy naqtylaı túsedi.
«Konstıtýsııa áleýmettik kepildikterdi, eńbek etý, qyzmet túrin erkin tańdaý, demalý jáne áleýmettik qorǵalý quqyqtaryn kúsheıtedi», dedi spıker.
Aıdarbek Qojanazarov: Jańa Konstıtýsııa memlekettiń derbes tańdaýyn jáne kemeldigin aıǵaqtaıdy
Onyń pikirinshe, ekonomıkalyq damý men áleýmettik jaýapkershilik arasyndaǵy tepe-teńdik saqtalmaıynsha, turaqty ósimge qol jetkizý múmkin emes.
«Ekonomıkalyq damý men áleýmettik jaýapkershilik arasyndaǵy bul tepe-teńdiksiz turaqty ósim múmkin emes», dedi ol.
Sarapshy jańa qujatty memleket, bıznes jáne azamattar arasyndaǵy seriktestikti nyǵaıtatyn ortaq erejeler jıyntyǵy retinde baǵalady.
«Men úshin jańa Konstıtýsııa – memleket, bıznes jáne azamattar ortaq erejeler men maqsattardy túsinip, bir baǵytta alǵa jyljıtyn seriktestikke jasalǵan qadam», dedi Zamıra Kýzıeva.
Jıynda Memleket basshysynyń jańa Konstıtýsııa jobasy boıynsha respýblıkalyq referendým ótkizý týraly Jarlyqqa qol qoıǵany da aıtyldy. Bul ár azamatqa eldiń negizgi qujatyna qatysty óz tańdaýyn bildirýge múmkindik beredi.
Kezdesý sońynda eńbek ujymy referendýmǵa belsendi qatysýdyń mańyzyn atap ótti. Sarapshy jınalǵandardy eldi jańǵyrtý, turaqty damý jáne Qazaqstannyń bolashaǵy úshin daýys berýge shaqyrdy.
Ashat Rahymjanov: Jańa Konstıtýsııa azamattardyń eldiń saıası ómirine qatysý múmkindigin keńeıtedi