Jańa Konstıtýsııa jobasy boıynsha daýys berý kestesi bekitildi. Ortalyq saılaý komıssııasy referendým nátıjelerin daýys berýden keıin 7 kúnnen keshiktirmeı jarııalaýy tıis, dep habarlaıdy Egemen.kz.
Respýblıkalyq referendýmdy ázirleý men ótkizý jónindegi negizgi is-sharalardyń kúntizbelik jospary bekitildi.
12 aqpannan 14 naýryzǵa deıin saılaýaldy úgit-nasıhat ótedi. 21 aqpanda aýmaqtyq jáne ýchaskelik komıssııalardyń quramdary, sondaı-aq referendým ýchaskeleriniń shekaralary týraly málimetter jarııalanady; 22 aqpanda referendým komıssııalaryna daýys berýge arnalǵan tizimder usynylady; 27 aqpannan 4 naýryzǵa deıin azamattarǵa qaıda jáne qashan daýys bere alatyny týraly resmı túrde habarlanady. 14 naýryz – tynyshtyq kúni. Bul kúni úgit-nasıhat júrgizilmeıdi. 15 naýryz – daýys berý kúni. Saılaý ýchaskeleri tańǵy 7:00-den keshki 20:00-ge deıin ashyq bolady.Eske salaıyq, Memleket basshysy 15 naýryzda respýblıkalyq referendým ótkizý týraly jarlyqqa qol qoıdy.
Búgin Qazaqstan Respýblıkasy Konstıtýsııasynyń jańa jobasy jarııalandy.