2022 jyly oblys ákimdigi men «Otbasy bank» birlesip, jumysshy jastardy qoljetimdi baspanamen qamtamasyz etetin «Qostanaı jastary» baǵdarlamasyn iske qosqan. Sodan beri kóptegen jas otbasy osy baǵdarlamanyń kómegimen 5 paıyzdyq nesıe resimdep, úı satyp alyp jatyr, dep habarlaıdy Egemen.kz.
О́ńirdiń belsendi jastarymen kezdesken oblys ákimi Qumar Aqsaqalov atalǵan baǵdarlama aıasynda 344 jas otbasy baspanaly bolǵanyn aıtty.
«Bul baǵdarlama boıynsha «Otbasy bank» jeńildetilgen nesıe berýdi jalǵastyrady. Bıyl «Qostanaı jastary» baǵdarlamasy boıynsha 60 jas otbasy páter alady. Sonymen qatar, jastarǵa jaqsy tárbıe, sapaly bilim berý úshin áleýmettik mańyzy bar kóptegen nysandar salynyp jatyr. Mysaly, sońǵy úsh jyl ishinde biz óńir turǵyndary úshin 27 mektep, 35 bilim nysanyn, 37 medısınalyq ǵımarat, 6 mádenıet úıin saldyq», dedi oblys ákimi.
Jas ǵalymdarǵa páter kilti tabystaldy
Qyzylordada 100 jas otbasy baspanaly boldy