4 jas ǵalymǵa páter sertıfıkaty tabystaldy. Ǵylym jáne joǵary bilim mınıstrliginiń taratqan aqparatyna súıensek, Memleket basshysy Qasym-Jomart Toqaevtyń ǵylym salasyn damytý jáne jas zertteýshilerdi qoldaý jónindegi tapsyrmasyna sáıkes berilip otyr, dep jazady Egemen.kz
Atalǵan ıgi bastama daryndy jastardy yntalandyrýǵa jáne olardyń áleýmettik jaǵdaıyn jaqsartýǵa baǵyttalǵan. Ǵylym salasyndaǵy syılyqtar men memlekettik stıpendııa laýreattaryn marapattaý rásiminde Prezıdent atynan jas ǵalymdarǵa baspana sertıfıkattary saltanatty túrde tabystaldy.
Ǵalymdar ózgeristerdi qoldaıdy
Saltanatty jıynda jas ǵalymdardyń otandyq ǵylymdy damytýdaǵy eńbegi erekshe atap ótildi. Páter ıesi atanǵan ǵalymdardyń zertteý baǵyty geografııa, balyq sharýashylyǵy, IT, fızıka, hımııa, aýyl sharýashylyǵy jáne ózge de salalardy qamtıdy. Solardyń biri – Balyq sharýashylyǵy ǵylymı-óndiristik ortalyǵynyń akvakýltýra zerthanasynyń ǵylymı qyzmetkeri Gúldana Maratova. Jas ǵalym óz sózinde 12 jyldyq eńbeginiń nátıjesi joǵary baǵalanyp jatqanyna qýanyshty ekenin jetkizdi.
«Buǵan deıin ózimniń jeke páterim bolmady. Búgin eki bólmeli páterdiń ıesi atanyp otyrmyn. О́te qýanyshtymyn. Ǵylymmen aınalysyp júrgen jas ǵalymdarǵa áleýmettik qoldaý kórsetkeni úshin Memleket basshysyna jáne mınıstrlikke alǵysymdy bildiremin», dedi G. Maratova.
Ǵalymdar óz jobalaryna qalaı iri qarjy tarta alady?
Páter sertıfıkatyna ıe bolǵan jas zertteýshiler ǵylymı jobalarǵa qatysyp, bedeldi basylymdarda eńbekterin jarııalap, otandyq ǵylymnyń básekege qabilettiligin arttyrýǵa úles qosyp keledi.
Aıta keteıik, jas ǵalymdardy turǵyn úımen qamtamasyz etý jumystary júıeli túrde júzege asyrylyp jatyr. Buǵan deıin de Prezıdenttiń atynan ǵylymı zertteýshilerge páter kiltteri tabystalǵan bolatyn.
Almatylyq ǵalymdar óndiris qaldyqtarynan qurylys materıaldaryn ázirlep jatyr