Ál-Farabı atyndaǵy Qazaq ulttyq ýnıversıtetiniń Farabi Hub ınnovasııalyq ónimder jáne joǵary tehnologııalyq jobalar ortalyǵynda Qazaqstan-Sıngapýr kvanttyq tehnologııalar ortalyǵy saltanatty túrde ashyldy. ASTRASEC PTE. LTD (Sıngapýr) kompanııasy men «Qubitera» JShS seriktestigi negizinde júzege asqan joba ulttyq kvanttyq ekojúıeni qalyptastyrýǵa serpin bermek, dep habarlaıdy Egemen.kz.
Ǵylym jáne joǵary bilim mınıstrliginiń málimetinshe, jańa ortalyq irgeli jáne qoldanbaly zertteýler júrgizýge, zertteýshiler men ınjenerlerdi, tehnologııalyq kásipkerlerdi daıarlaýǵa, kvanttyq qorǵalǵan baılanys pen esepteý sheshimderin damytýǵa baǵyttalǵan. Sonymen qatar ozyq halyqaralyq tájirıbeni engizý, birlesken ǵylymı-zertteý jáne tájirıbelik-konstrýktorlyq jobalardy iske asyrý, tehnologııalyq startaptardy qoldaý da basym mindetterdiń qatarynda tur.
Alǵashqy kezeńde zamanaýı fotondyq júıelermen jabdyqtalǵan kvanttyq krıptografııa jáne kvanttyq baılanys zerthanasy iske qosyldy. Oqý-tájirıbelik ınfraqurylym ǵylymı izdenister júrgizýge jáne mamandardy tájirıbelik turǵyda daıarlaýǵa múmkindik beredi.
Shyǵys Qazaqstan tehnıkalyq ýnıversıteti Horizon Europe jeńimpazy atandy
Saltanatty jıynda sóz sóılegen Ǵylym jáne joǵary bilim mınıstri Saıasat Nurbek atalǵan jobanyń ǵylym men joǵary bilimdi damytý, sıfrlyq jáne tehnologııalyq qaýipsizdikti nyǵaıtý, ınnovasııalyq ekonomıkany ilgeriletý jáne strategııalyq salalarǵa bilikti kadr daıarlaý baǵytyndaǵy memlekettik basymdyqtarǵa saı keletinin atap ótti.
«Búginde álem kvanttyq revolıýsııanyń qarsańynda tur. Onyń mańyzdylyǵy – dástúrli kremnıı tehnologııalaryna negizdelgen zamanaýı sıfrlyq, kommýnıkasııalyq jáne esepteý júıeleriniń áleýeti óziniń sharyqtaý shegine jetkeninde tur. Ál-Farabı atyndaǵy Qazaq ulttyq ýnıversıteti bazasyndaǵy bul ortalyq elimizdiń ǵylymy men ekonomıkasyn damytýǵa jańa múmkindikterge jol ashady», dedi mınıstr.
Qazaq agrotehnıkalyq zertteý ýnıversıtetinde Smart-aýdıtorııa ashyldy
QazUÝ Basqarma tóraǵasy – rektor Janseıit Túımebaev ǵylym men bıznestiń yqpaldasýy strategııalyq mańyzǵa ıe ekenin aıtty. Onyń sózinshe, ýnıversıtet jahandyq ınnovasııalar toǵysatyn ortalyqqa aınalyp keledi.
«Jańa ortalyqtyń qurylýy – QazUÝ-dy álemdik deńgeıdegi zertteý ýnıversıtetine aınaldyrý strategııasyn iske asyrýdaǵy mańyzdy qadam. Biz bolashaq tehnologııalaryn jasaý úshin qýatty akademııalyq áleýetti sıngapýrlyq seriktesterdiń ozyq tájirıbesimen biriktiremiz. Qazaqstan men Sıngapýrdyń kvanttyq saladaǵy yntymaqtastyǵy sınergetıkalyq áser beredi», dedi rektor.
ASTRASEC PTE. LTD kompanııasy dırektorlar keńesiniń tóraǵasy kvanttyq zertteýlerdi damytý Qazaqstan úshin strategııalyq qajettilik ekenin atap ótti.
«Kvanttyq zertteýlerdi damytý – Qazaqstan úshin strategııalyq qajettilik. Jańa býyn kvanttyq tehnologııalaryna ıe elder aqparattyq qaýipsizdik salasynda sheshýshi artyqshylyqqa qol jetkizedi. Búginde negizgi basymdyq kvanttyq kommýnıkasııaǵa berilip otyr: ol memlekettiń sıfrlyq turaqtylyǵyn qamtamasyz etip, bolashaqtaǵy eń perspektıvaly tehnologııalardy damytýǵa jol ashady», dedi ol.
Jıynda sondaı-aq Sıfrlyq damý, ınnovasııalar jáne aeroǵarysh ónerkásibi mınıstrligi Sıfrlyq aktıvter jáne serpindi tehnologııalar komıtetiniń tóraǵasy Ǵızzat Baıtursynov, Energetıka vıse-mınıstri Ilııas Nássenuly, Qorǵanys mınıstrligi Sıfrlandyrý departamentiniń dırektory Serik Bojǵulov jáne ózge de qatysýshylar sóz sóıledi.
Ortalyqtyń ashylýyna oraı «Qazaqstan-Sıngapýr kvanttyq tehnologııalar ortalyǵy – ulttyq kvanttyq ekojúıeniń ósý núktesi» taqyrybynda dóńgelek ústel ótti. Ǵalymdar men tehnologııalyq kompanııa basshylary qatysqan talqylaýda ortalyqtyń damý baǵyttary, kvanttyq kıberqaýipsizdik, ındýstrııalyq áriptestik jáne birlesken jobalar sheńberinde zııatkerlik menshikti qorǵaý máseleleri jan-jaqty qaraldy.
Toqaev: Jasandy ıntellekt mamandandyrylǵan zertteý ýnıversıteti ashylady