Aqtóbe oblysynda bıyl tórt myńǵa jýyq turǵyny bar segiz aýyl ortalyqtandyrylǵan gaz qubyry jelisine qosylady. Olardyń qatarynda Áıteke bı aýdanynyń Aqtasty, Jabasaq, Tymabulaq, Mártók aýdanynyń Poltavka, Oıyl aýdanynyń Aqkemer, Aqshataý, Kemer jáne Qarakemer eldi mekenderi bar, dep habarlaıdy Egemen.kz.
Sonymen birge Áıteke bı, Baıǵanın, Temir jáne Shalqar aýdandarynyń tórt shalǵaı aýylynda jańa mektep qurylystary bastalady. Sondaı-aq Aqtóbe qalasyndaǵy №5, №17, №22 jáne №37 orta mektepteri tolyq jóndelip, materıaldyq-tehnıkalyq bazasy jańartylady. Alaıda, on jyldan beri jańa bilim oshaǵyn talap etip kelgen «Samara-Shymkent» tasjoly boıyndaǵy Qalybaı aýylynyń ótinishi bul joly da oryndalmaı qaldy.
Almaty jylý elektr ortalyqtarynyń tolyǵymen gazǵa kóshiriletin ýaqyty belgili boldy
Byltyr on aýylda medısınalyq pýnktter boı kóterse, bıyl tórt aýdandyq aýrýhanaǵa qosymsha qurylys salý josparlanyp, jobalaý-smetalyq qujattary ázirlendi. Densaýlyq saqtaý mekemelerin jańǵyrtýǵa jergilikti bıýdjetten bólinetin qarajat jeltoqsanda ótken oblystyq máslıhattyń kezekti sessııasynda naqtylandy.
Sozaq aýdany tabıǵı gaz jelisine qosyldy
Aıta keteıik, ótken jyly Memleket basshysynyń tapsyrmasymen qaıtarylǵan aktıvter esebinen Aqtóbe oblysyna bólingen 10 mıllıard teńgege 12 áleýmettik nysan boı kóterdi.
Aqtóbe oblysy