Dzıýdoshy Esmıgúl Kýıýlova Slovenııa astanasy – Lıýblıanada ótken European Open týrnırinde kúmis medalǵa ıe boldy. 63 kg salmaqta kúresken jerlesimiz shveısarııalyq Kıara Frıden, horvatııalyq Nına Jetko, slovenııalyq Leıla Mazýzı, nıderlandtyq Djonı Geılennen basym túskenimen, sheshýshi básekede jergilikti tatamı sheberi Kaıa Kaızerge ese jiberdi.
Otandyq «Alash Praıd» uıymy Aqtóbede dúrkiregen jarys ótkizdi. Basty jekpe-jekte Jánibek Tynyshtyq (7-0) reseılik Gadjımurat Gasangýseınovti (13-4) aıqyn basymdyqpen utyp, atalǵan promoýshenniń jartylaı jeńil salmaqtaǵy «ýaqytsha» chempıony ataǵyn ıelendi.
25 aqpanda Albanııa astanasy – Tıranada shymyldyǵy túriletin Muhamet Malo memorıalynda elimizdiń erkin kúres sheberleri mynadaı quramda kúsh synasady: Abzal О́kenov (57 kg), Mereı Bazarbaev, Meırambek Qartbaı (61 kg), Asyljan Esengeldi (65 kg), Maıs Álıev (70 kg), Egor Anchýgın, Ernur Nurǵazy (74 kg), Bolat Saqaev (86 kg), Azamat Dáýletbekov (92 kg), Rızabek Aıtmuhan, Kamıl Kýrýglıev, Nurdáýlet Bekenov (97 kg), Nursultan Azov (125 kg). Bul – jaqynda ǵana ulttyq komandanyń bas bapkeri bolyp taǵaıyndalǵan Danııar Qaısanov úshin alǵashqy synaq.
Grýzııanyń Batýmı qalasynda GFC 36 x GBC 4 týrnıri ótti. Jarysta qazaqtyń tanymal aralas jekpe-jek sheberi Qýat Hamıtov (28-8-2) brazılııalyq Alan Sılvadan (19-12-1) upaı sanymen basym tústi. Osy jeńisinen keıin Qýat UFC-de óner kórsetip júrgen Reseı sportshysy Shara Býlletti kúsh synasýǵa shaqyrdy.
Fýtboldan ÝEFA Ulttar lıgasynda elimizdiń fýtbolshylary alǵashqy kezdesýin 26 qyrkúıekte syrt alańda Farer araldaryna qarsy ótkizedi. Araǵa úsh kún salyp Slovakııaǵa sapar shegip, eldiń ulttyq komandasymen saıysqa túsedi. 2 jáne 6 qazanda «Astana Arenada» Moldova men Farer araldaryn qabyldaıdy. 14 qarashada Kıshınevte Moldovamen, 16 qarashada Astanada Slovakııamen sheberlik baıqasady.
Jýyrda Astanada Monakodan utylǵannan keıin Devıs kýboginiń II tobyna túsip qalǵan elimizdiń erler quramasy 18–20 qyrkúıek aralyǵynda Taıland tennısshilerimen tartysqa túsedi. Osy oıynda jeńiske jetken jaǵdaıda jerlesterimiz kelesi maýsymda I topqa qaıta oralady.