19 aqpanda Abaı oblysy Omby – Maıqapshaǵaı tasjolynda jol apaty bolyp, tórt adam qaza tapty, dep habarlaıdy Egemen.kz.
Polısııanyń málimetinshe, saǵat 15:25-te «102» arnasyna jol-kólik oqıǵasy týraly habarlama túsken. Aldyn ala derekter boıynsha, respýblıkalyq mańyzy bar tasjoldyń 867-shaqyrymynda, Salqyn-Tóbe aýyly mańynda Lada Priora jáne Chevrolet Cobalt kólikteri betpe-bet soqtyǵysqan.
Jol apaty saldarynan tórt adam oqıǵa ornynda kóz jumdy. Taǵy úsh adam túrli dene jaraqattaryn alyp, medısınalyq mekemege jetkizildi.
Atalǵan derek boıynsha sotqa deıingi tergeý bastaldy. Oqıǵanyń mán-jaıy men sebepteri anyqtalyp jatyr.
Aıta keteıik, Almaty oblysynda bes kóliktiń qatysýymen jappaı jol apaty bolǵan edi.