Almaty oblysynda Desanttyq-shabýyldaý áskerleriniń shtabtary men bólimsheleriniń úılesimdi is-qımylyn tekserýge arnalǵan aýqymdy is-shara aıaqtaldy. Desantshylar kúrdeli jaǵdaıda, beıtanys jerde jáne shartty qarsylastyń tylynda tapsyrmalardy oryndap, óz qabiletterin kórsetti, dep jazady Egemen.kz.
Áskerlerdiń praktıkalyq is-qımylyn Qorǵanys mınıstriniń birinshi orynbasary – Qarýly kúshter Bas shtabynyń bastyǵy, general-leıtenant Qanysh Ábýbákirov baqylap, baǵasyn berdi.
Dabylmen kóterilgen Desanttyq-shabýyldaý áskerleriniń bólimsheleri qysqa merzimde mejeli aýdandar men polıgondarǵa áskerı tehnıkamen joryqqa shyqty. Ol jerde basqarý pýnktterin shuǵyl ornatyp, jeke quram oqý-jaýyngerlik mindetterdi urysqa barynsha jaqyn jaǵdaıda oryndaýǵa kiristi.
Tekserýdiń negizgi epızodtarynyń biri – qala ishinde zańsyz qarýlanǵan topty joıý boldy. Áskerdiń bir bóligi shartty qarsylastyń tyl jaǵyna qaraı armııa avıasııasynyń tikushaqtarymen jiberildi. Bul qarsylastyń tý syrtynan oraǵytyp ótip, tosynnan áreket etýge múmkindik berdi.
Desantshylar qalaı daıarlanady?
Áýe qorǵanysy kúshteriniń ekıpajdary desanttyq-shabýyldaý bólimshelerine avıasııalyq qorǵan bolyp, áýeden de, jerden de oq atyp, qoldap otyrdy. Avıasııa ózara is-qımyl jasap, áskerı qyzmetshiler eldi meken ishinde qarýly topty quryqtaý men joıý taktıkalyq is-qımyldaryn pysyqtady. Artynsha basyp alǵan shepterge shoǵyrlanyp, mańyzdy nysandardy tazartty.
Keshendi tekserý qarqyndy túrde ótip, jaýyngerlik daıarlyqtyń, atap aıtqanda jedel áreket etý men áskerlerdi basqarý, sondaı-aq ásker túrleri arasyndaǵy ózara is-qımyl men qarý-jaraqty is júzinde qoldanýǵa deıingi barlyq negizgi elementterdi qamtydy.
Desant áskeri qataryna 1 500 jaýynger qosyldy
Is-sharaǵa 5 myńnan asa áskerı qyzmetshi, 200-den astam qarý-jaraq pen áskerı tehnıka jumyldyryldy.