Qaraǵandy oblysy krımınaldy polısııa qyzmetkerleri «Arlan» arnaıy jasaǵynyń qoldaýymen páter urlyǵymen aınalysqan qylmystyq toptyń áreketin toqtatty, dep habarlaıdy Egemen.kz.
Ishki ister mınıstrliginiń málimetinshe, júrgizilgen jedel-izdestirý is-sharalarynyń nátıjesinde 35-39 jas aralyǵyndaǵy úsh er adam ustaldy. Olar aldyn ala oılastyrylǵan qylmystyq shema boıynsha áreket etken.
«Kúdiktiler Loboda kóshesindegi turǵyn úılerdiń birine metall qorshaýdy, plastık terezeni buzyp, zańsyz kirgen. Sodan altyn buıymdar men gaýhar tastary bar áshekeıler (shamamen 40 ataý), kúzen ton jáne noýtbýkty urlap ketken. Jábirlenýshige keltirilgen jalpy materıaldyq shyǵyn 20 mıllıon teńgeden asyp otyr», dep habarlady polısııa.
Asa iri kólemdegi urlyq deregi boıynsha qylmystyq is qozǵaldy. Kúdiktiler ýaqytsha ustaý ızolıatoryna qamaldy.
Astana qalasynda páter urlyǵymen aınalysqandar ustaldy
Qazirgi ýaqytta jan-jaqty tergeý amaldary júrgizilip jatyr. Polıseıler olardyń óńir aýmaǵynda tirkelgen ózge de uqsas qylmystarǵa qatystylyǵyn tekserip jatyr.
Pavlodar oblysynda mal urlyǵymen aınalysqan qylmystyq top ustaldy