Qazaqstanda aldaǵy respýblıkalyq referendým qarsańynda aýqymdy aqparattyq-túsindirý jumystary jalǵasyp jatyr. Jańa Konstıtýsııa jobasy týraly túrli anyqtamalyq jáne tanymdyq materıaldar qoǵamdyq oryndarda, sonyń ishinde Halyqqa qyzmet kórsetý ortalyqtary men medısınalyq mekemelerde keńinen taratylǵan, dep jazady Egemen.kz.
El aýmaǵyndaǵy «Azamattarǵa arnalǵan úkimet» memlekettik korporasııasynyń barlyq 322 front-ofısinde arnaıy aqparattyq bannerler ornalastyrylǵan. Buǵan qosa, kútý zaldary men qyzmet kórsetý aımaqtaryndaǵy 3 myńnan astam qosymsha monıtorda ózekti beınekontent kórsetiledi. HQKO-dyń negizgi aqparattyq alań retinde tańdalýy munda kelýshiler sanynyń joǵarylyǵymen túsindiriledi: orta eseppen bul ortalyqtar kúnine 63 myńǵa jýyq azamatty qabyldaıdy.
Bıbigúl Jeksenbaı: Konstıtýsııany talqylaý – qoǵamnyń ortaq jaýapkershiligi
Sonymen qatar aqparattandyrý jumystary medısınalyq ınfraqurylym esebinen de keńeıip jatyr. Búginde elimiz boıynsha 545 medısınalyq mekeme jańa Konstıtýsııa men aldaǵy referendým týraly aqparat taratatyn qosymsha núktelerge aınaldy.
Bul baǵyttaǵy jumys ásirese respýblıkalyq mańyzy bar qalalarda qarqyndy: Almatyda – 76, Shymkentte – 60, al Astanada 31 mekeme qamtylǵan. Oblystar arasynda Túrkestan (45), Atyraý (34) jáne Aqmola (32) óńirlerindegi medısınalyq nysandarda aqparattyq naýqan belsendi júrip jatyr.
Qazaqstanda avtobýstar jańa Konstıtýsııa jobasy týraly aqparat taratý alańyna aınaldy
Osylaısha, júıeli qulaǵdar etý sharalary azamattar jıi baratyn nysandar aınalasynda shoǵyrlanǵan. Bul tásil referendým men daýys berý prosedýralary týraly málimetterdiń qarapaıym halyqqa barynsha qoljetimdi bolýyn qamtamasyz etedi.
Elimizdiń sportshylary men óner ıeleri jańa Konstıtýsııa jobasyn qoldady