Keneptegi ǵasyrlar syry

Ekspozısııada bir­neshe janrdy er­kin meńgergen óner ıesiniń kópjyldyq shy­ǵarmashylyq jolynan syr shertip, kórkem qol­tań­basyn kórsetetin 60-tan asa týyndy usynyldy. Shek­teýge baǵynbaıtyn sheber sýretshi óz shyǵarmalarynda dástúr men jańa­shyldyqty úılestire otyryp, keńis­tik pen formany tájirıbe ar­qyly zertteıdi. Tús pen kompozısııa kórermenniń emosıonaldy qabyldaýyn oıatýǵa talpynady.

Qamı Aıtqalıevtiń shy­ǵar­ma­shylyǵy tynymsyz izdeniske toly. Avtor qu­raq quraý, shı toqý, jún óń­deý sekildi dástúrli qazaq qol­óneri ádisterin zamanaýı turǵyda qoldanady. Bul tásilder ulttyq máde­nıet­tiń tereń tamyrynan qýat alyp, jańa forma men mazmunǵa jol ashady. Osy arqyly onyń týyn­dy­lary qazaq sán­dik-qoldan­baly ónerin jańasha serpin­men jandandyryp, ótken men búgindi baılanystyrady. Bul onyń «Ańyz ana» (2024), «Jańbyrdan ke­ıin» (2024), «Kútý» (2024), «Ań­shy­lar» (2023) atty shy­ǵar­malarynda aıqyn kórinis tap­qan. Ár jumysynda av­tor tabıǵatpen, dás­túr­men jáne adamnyń ishki ále­­mimen úndesken oılar men sezimderdi sheber jet­ki­zip, kórermendi jańa kóz­qa­rasqa jeteleıdi. Kóńil baý­raǵan keskinder tek qol­óner­diń ǵana emes, sonymen qatar fılosofııalyq oı men má­denıettiń keń órisin ashady.

«Sýretshi keskindeme jan­rynda da ózindik shyǵar­mashylyq tilin qalyp­tas­tyrǵan. Onyń jumys­tarynda monohromdy boıaý sheshimderi, sándik já­ne monýmentaldyq sıpat aıqyn baıqalady. Bul erek­shelik Aıtqalıevtiń ishki kórkemdik qajet­tili­gi­nen týyndap, keńistik­pen úı­lesimdi kompozı­sııa­lyq qurylym qurýǵa ba­ǵyt­talǵan», deıdi kórme jetek­shisi Aqbota Alımhojına.

Sýretshiniń grafıkalyq mánerde oryndaǵan biregeı týyndylary da kórme tó­rinen oryn alǵan. Bul shy­ǵar­malar avtordyń plas­tı­kalyq oılaý júıesin, syzyq pen yrǵaqqa negizdelgen iz­de­­nis­terin aıqyndaı túsken.

Shyǵar­mashylyǵy ult­tyq bolmysty, tarıhı jady men zamanaýı kórkemdik izdenisterdi úılestirgen sýretshi bıyl 80 jasqa tolyp otyr. Qazaq beıneleý óneriniń damýyna eleýli úles qosyp júrgen sheberge zor tabys tileımiz.

ALMATY