Túrkııa ırandyqtardyń elge kirýin ýaqytsha shekteıtinin habarlady. Bul tyıym basqa elderdiń azamattaryna qatysty qoldanylmaıdy, dep jazady Egemen.kz.
Qazir Ankara men Tegeran qalalaryn baılanystyratyn negizgi úsh shekaralyq ótkizý beketi shtattyq rejımde jumys istep tur. Resmı derekterge sáıkes, sońǵy bir táýlikte shekaralyq ótkizý beketteri arqyly Túrkııa aýmaǵyna 350 kólik kirgen. Olardyń basym bóligi – júk kólikteri. Túrkııa shekarada qaýipsizdik sharalaryn kúsheıtip, baqylaý-ótkizý beketterinde qujattardy jiti tekserýge kóshken.
Irannyń jańa Joǵarǵy kóshbasshysy saılandy
«AQSh pen Izraıldiń Iranǵa qarsy áskerı operasııasy shıelenisken kezeńde Túrkııa men Iran arasyndaǵy shekara beketteri týraly túrli aqparat tarap jatyr. Osyǵan baılanysty keden qyzmetteriniń resmı málimetterine súıene otyryp Iran men Túrkııa arasyndaǵy shekaralyq ótkizý beketteri shtattyq rejımde jumys istep turǵanyn málimdeımin. Iran azamattarynyń Túrkııa aýmaǵyna kirýine ýaqytsha tyıym salyndy. Túrkııa azamattary men basqa elderdiń ókilderine shekteý joq. Sonymen qatar júk tasymaly eshqandaı kedergisiz júzege asyrylyp jatyr», deıdi túrkııalyq zańger Osman Aıdyn.
Irandaǵy otandastarymyz qaı elder arqyly evakýasııalanady?